________________
१८८
आतुरप्रत्याख्यानप्रकीर्णकम
वित्तो य विवाहविही, सयणजणो वि य गओ सगेहेसु ।
अह अवरवासरम्मि, ससुरगिहे निञ्जमाणीए ।।१६।। अच्चंतदइयदोहग्ग-खग्गनिभिज्जमाणहिययाए । अन्नं मोक्खोवायं, थेवं पि अपेच्छमाणीए ।।१७।।
पासायसिहरमाऽऽरुहिय, तीए मरणऽट्ठया लहु विमुक्को । अप्पा निवडियमेत्ता य, सा गया झत्ति पंचत्तं ।।१८।। मिलिया अम्मापिउणो, सयणजणो वि य समागतो तुरियं । विहिओ य से समग्गो, सरीरसक्कारपमुहविही ।।१९।।। तम्मरणनिमित्तं पि य, सव्वत्थ पुरम्मि तत्थ वित्थरियं । नियदोहग्गेण दढं च, लज्जिओ गंगदत्तो वि ।।२०।। नवरं पिउणा भणिओ, मा वच्छ ! विसायमेत्थ थेवं पि । काहिसि तहा जहस्सं जह अवरा होज्ज तुह भज्जा ।।२१।। अह कहवि दूरपुरवासि-वणियधूयं पुणो वि सो तेण ।
परिणाविओ तहाविह-पभूयतरदव्वविणिओगा ।।२२।। सा वि तहञ्चिय हत्थ-ग्गहाओ उड्ढं गया परमसोगं । तग्गिहगमणाऽवसरे, नवरं उल्लंबणेण मया ।।२३।। तो सव्वत्थ वि देसे, दुस्सहदोहग्गदूसणं पत्तो । सोगभरविहुरियंऽगो य, गंगदत्तो विचिंतेइ ।।२४ ।। किं पुव्वभवेसु मए, पावं पावेणुवज्जियं गरुयं । जस्स पभावेणेवं, भवामि वेसोऽहमित्थीणं ।।२५ । । धन्ना भयवंतो ते, सणंकुमाराऽऽइणो महासत्ता । दढपणयसालिणं पि हु, तत्तियमंऽतेउरं मोत्तुं ।।२६।। लग्गा संजममग्गे, अहं तु निब्भग्गवग्गवग्गू वि । दोहग्गवमित्थीणं, सुमिणे वि अपत्थणिज्जो य ।।२७।।
मिगपोयगो व्व मायण्हियाए. निव्विसयविसयतण्हाए । विणडिज्जामि हयाऽऽसाए, अहह ! एत्तो सुहं कत्तो ।।२८।। इय जाव सो विचिंतइ, ताव पिया से समाऽऽगओ भणइ । वच्छ । परिञ्चय सोगं, निरत्थयं कुणसु कायव्वं ।।२९।। चिरभवपरंपरोवज्जियाण, पावाण विलसियं एयं ।
वयणिज्जमेत्थ कस्स वि, परमऽत्थेणं अओ नत्थि ।।३० ।। ता एहि पुत्त ! जामो, भयवं गुणसायरो हं सूरी । सुव्वइ समोसढो तं च, वंदिमो नाणरयणनिहिं ।।३१।। पडिवन्नं तेण ततो, सूरिसमीवे गया विणयपूव्वं । वंदित्तु तं निसन्ना, सनिहियम्मि धरावढे ।।३२।।
_Jain Education International 2010_02
For Private & Personal Use Only
www.jainelibrary.org
