________________
खण्डः - २ दृष्टान्तसमुच्चयः
२३. निदानध्याने श्रीसंवेगरङ्गशालायां गङ्गदत्तस्यावसरः । पुरनगरनिगमसंकुल- कुलगिरिगुरुदेवभवणरमणिज्जे । वच्छाविसए नयर, जयबद्धणमाऽऽसि सुपसिद्धं ।।१।। सिद्धंतपसिद्धविसुद्धधम्म-कम्मेक्कबद्धपडिबंधो । बंधुपिओ नाम तहिं, अहेसि सिट्ठी नविसि ।।२।। सिट्ठाऽणुमओ पुत्तो य, गंगदत्तो त्ति तस्स सुविणीतो । सोय कमेणऽणुपत्तो, तारुण्णं तरुणिमणहरणं ।।३।।
तं च तहाविहमऽवलोइऊण, पिउणा सयंभुनामस्स ! वणिणो धूया वरिया, वीवाहऽङ्कं पहिद्वेणं ।।४।। अह सुपसत्थे हत्थग्गहस्स, जोग्गम्मि तिहिमुहुत्तम्मि । सा हरिसमुवगएणं, उव्वूढा गंगदत्तेणं ।।५।। नवरं जब्वेलं चिय, तीसे सो पाणिपल्लवे लग्गो । तव्वेलं चिय तीए, वियंभिओ दुस्सहो दाहो । । ६ । ।
किं यवण आलिंगियम्हि सित्तम्हि किं विसरसेण ।
इति चितंती पल्हत्थ - वामहत्थाऽऽणणा विमणा ||७||
,
अच्छिन्नमऽच्छिपुडसं-घडंतवाहच्छडा वलियगीवा । निहुयं परिदेवंती, सयभुणा एवमुल्लवा ।।८।। वच्छे ! हरिसट्ठाणे वि, कीस संतावमेवमुव्वहसि । पहसिरवयणा जं सहि-जणं पि नाऽऽलवसि सप्पणयं ।। ९ ।। किंच न पेच्छसि तुह छणए, लोयणाऽऽणंदनिब्भरमणस्स । सविलासगीयनट्टाई, सयणलोयस्स पुत्ति ! तुमं ।। १० ।। ताकुण सरलं गीवा - मुणालमऽवणेहि नयणजलकणियं । सच्छायं मुहलच्छिं, पयडेहि विमुंच सोगमिमं ।।११।। अह अस्थि गाढतरसोग- कारणं किंपि ता तमऽविसंकं । फुडवयणेहिं साहेहि, जेण अवणिञ्जए सज्जो ।।१२।।
तीए पयंपियं ताय !, इण्हिं किमऽईयवत्थुकहणेण । नक्खत्तमग्गणा मुंडिए सिरे कं गुणं कुणइ ।। १३ ।
भणियं सयंभुणा पुत्ति !, तहवि साहेहि एत्थ परमत्थं । तो ती सव्वो विय, वरवुत्तंतो समाऽऽइट्ठो ।।१४।।
सोऊण तं च वञ्जाऽऽहओ व्व अवहरियगेहसारो व्व । मसिसलिलोहलिओ इव, सो विच्छायत्तमऽणुपत्तो ।। १५ ।।
Jain Education International 2010_02
१८७
For Private & Personal Use Only
www.jainelibrary.org
