________________
१७२
आतुरप्रत्याख्यानप्रकीर्णकम्
संपत्तवसिमदेसो तस्साऽऽसाधरियनिययपाणधणो । चिंतेइ मूलदेवो उवयारी बंभणो मज्झ ।।११६ ।। पभणइ वञ्च जहिच्छं भद्द ! तुमं किंतु एज्ज कइया वि ।
मह रज्जसंपयं जाणिऊण जं देमि ते गामं ।।११७ ।। इय भणिय मूलदेवो पहरदुगे गाममागओ संतो । करकलियपत्तपुडओ भिक्खं भमिउं समाढत्तो ।।११८ ।। केवलकुम्मासेहिं भरित्तु पुडयं तडागमणुसरिउं । जा निग्गच्छइ तत्तो संपेच्छइ मुणिवरं एगं ।।११९ ।। मासोववाससोसियसरीरसंपत्तिमसमसुहलेसं । पारणगपत्तदिवसं पविसंतं गाममज्झम्मि ।।१२० ।। दठूण मूलदेवो चिंतइ मह पुत्रपरिणई एसा । मरुरनम्मि व एसो जं दिट्ठो कप्परुक्खो व्व ।।१२१ । । इय चिंतिऊण पभणइ भत्तिभरुलासयबहलरोमंचो । गिण्हसु करुणं काउं कुम्मासे मज्झ मुणिनाह ! ।।१२२।। दव्वाइचउहसुद्धिं पउंजिउं गिण्हए मुणिवरो वि । एत्यंतरम्मि कुमरो रंजियहियओ भणइ एवं ।।१२३।। धन्नाणं खु नराणं कुम्मासा हुंति साहुपारणए । इय भणिए भणइ तओ मुणिभत्ता देवया गयणे ।।१२४ ।। मग्गसु वरं महायस ! जं रोयइ तुज्झ उत्तरद्धेण । गणियं च देवदत्तं दंतिसहस्सं च रज्जं च ।।१२५ ।।
इय भणइ जाव कुमरो भणइ तओ देवया पहिट्ठमणा ।
मुणिदाणपुनपायवफलमिणमचिरेण तुह होही ।।१२६ ।। उव्वरियसेसकुम्मासभोयणाणंतरं पसत्थगई । मुणिदाणपुनकलिओ चलिओ बिन्नायडाभिमुहं ।।१२७ ।। पइदियहपयाणेहिं वेन्नायडनयरमागओ संतो । सुत्तो देसिकुडीए सुमिणं पेच्छइ निसासेसे ।।१२८ ।।
अमयमयकिरणनिम्महियतावमसमाणकंति जणसुहयं । पविसंतं नियवयणे केरविणीरमणपडिबिंबं ।।१२९ ।। कप्पडिओ वि हु पासित्तु तारिसं कहइ सुमिणमियराण ।
ते वि हु भणंति गुड-नेहमंडियं मंडयं लहसि ।।१३०।। तो तेण बीयदिवसे छाइज्जतम्मि कम्मिवि घरम्मि । भिक्खाए पवितॄणं लद्धो गुडमंडओ एगो ।।१३१।।
कुमरो वि मणे मुणिउं मणोरहाणं अपावणिज्जं ति ।
सुमिणमिणं मणहरणं पहाणपुरिसाण कहणीयं ।।१३२।। अह उग्गयम्मि सूरे कुमरो कुसुमाणमंजलिं भरिउं । सुविणन्नुयस्स पासे संपत्तो परमविणएण ।।१३३।। पूइत्तु पायकमलं पणामपुव्वं पयासए सुमिणं । अह चिंतइ सुविणविऊ रज्जफलो एस सुमिणो त्ति ।।१३४।। लायनपुनकलियं अह तं परिणाविऊण नियधूयं । साहइ जह तुइ होही सत्तदिणब्भंतरे रज्जं ।।१३५ ।।
Jain Education International 2010_02
For Private & Personal Use Only
www.jainelibrary.org
