________________
खण्ड:-२ दृष्टान्तसमुच्चयः
१७१
इय चिंतिऊण पभणइ आवइपडियं ममं पि कइया वि । रक्खिज्जत्ति सतोसं मुक्को सम्माणिउं तत्तो ।।१०१।। कह णु मए वसियव्वं इह परिभवगुरुकलंककलिएण ? |
इय चितंतो चित्ते चलिओ बिनायडाभिमुहं ।।१०२।। संबल-सहायरहिओ सव्वुत्तमबुद्धिसाहससहाओ । लंघतो लंघेतो गिरि-सरियाइन्नमहिवीढं ।।१०३।। वायामेत्तसहायं पि पेच्छाए जाव नेय अडवीए । अइकविलेसकाओ दिलो ता बंभणो एगो ।।१०४।।
किवणाण चक्कवट्टी टक्को जाईए सद्धडो नाम । जणकयनिग्घिणसम्माभिहाणओ निग्घिणत्तणओ ।।१०५ ।। संबलबलमवलंबिय एयस्स अहं सुहेण लंघिस्सं । इय चिंतिय संचलिओ कयसंभासेण सह तेण ।।१०६ ।। तो पहरदुगे सलिलप्पएसमासज्ज सद्धडो तुरियं । अवलोडिऊण सलिलेण सत्तुए जिमइ एगागी ।।१०७।। अह तेण मूलदेवो वयणेण वि न हु निमंतिओ जाव ।
चिंतेइ नूणमिण्डिं विस्सरियमिमस्स मह सुहिणो ।।१०८ ।। अवरहे उण नियमा न वंचिही एस चिंतए जाव । चित्तम्मि मूलदेवो तो भोच्चा बंभणो पत्तो ।।१०९।। तुंदं परामुसंतो मलमाणो हत्थजुयलमणवरयं । दाढियमवलूहंतो उड्डेग्गारे प्रमुंचंतो ।।११०।।
अह बहलतरुतलम्मिं खणमेत्तं ताव विस्समामो त्ति । खरकिरणतावियतणू मज्झत्थो जाव दिवसयरो ।।१११।। पच्छा पुरओ गमणं काहामो इय कुमारभणियम्मि । वीसमिउं खणमेक्कं पुणो पयट्टा पहे गंतुं ।।११२।। एत्थंतरम्मि कुमरं आवइकलियं वियाणिउं रनो । मित्तो अत्थनिमित्तं व दूरमवगाहए जलहिं ।।११३।। तो सद्धडेण भुत्तं तहेव एगागिणा वियाले वि । न य वायामेत्तेण वि निमंतिओ कढिणहियएण ।।११४।। बीयदियहे वि तह वि हु निमंतिओ तेण न य मणागं पि । तइयम्मि दिणे अडविं अइकंता दो वि ते कह वि ।।११५ ।।
Jain Education International 2010_02
For Private & Personal Use Only
www.jainelibrary.org
