________________
१७०
आतुरप्रत्याख्यानप्रकीर्णकम्
तो कुट्टणी विचिंतइ केण उवाएण मज्झ गेहाओ । नीहरिही ? इय चिंतिय एगते भणइ तं अयलं ।।८२।। जह एसा अच्चंतं अणुरत्ता मूलदेवजूयारे । वत्थालंकाराई भरभोगं तीए तं वहसि ।।८३।।
ता किं एसो वि तए निक्कासिज्जइ न मज्झ भवणाओ ? ।
अयलो वि भणइ मह दिट्ठिगोयरं कह णु सो होही ? ।।८४ ।। अक्का वि भणइ एवं नीसंकं तुह भएण न हु एइ । ता कवडगामगमणं करित्तु संझाए पुण एज्ज ।।८५ ।। जेण तुमं नीसंकं विलसंतं मूलदेवजूयारं । सह देवदत्तगणियाए पेच्छसे मज्झ गेहम्मि ।।८६।। तेण तह च्चिय विहिए रंजियहियया पणंगणा पच्छा । वाहरिय मूलदेवं नीसंकं जाव अभिरमइ ।।८७ ।। लल्लक्कमिउडिभीसणपाइक्कपमुक्कहक्कदुप्पेच्छो । विज्जुच्छड व्व सहसा ता अयलो तत्थ संपत्तो ।।८८।।
तो तीए तयणु तुरियं तूलीए तलम्मि तं खिवेऊणं । ____ अब्भुट्ठिय भणियमिणं किं गमणं तुम्ह न हु जायं ? ।।८९।। अवसउणो त्ति भणंतो उवविट्ठो तम्मि चेव पल्लंके । गोविज्जंतो दिट्ठो जस्संते देवदत्ताए ।।१०।। ण्हाएयव्वं नियमा अज्ज मए एत्थ चेव पल्लंके । सा मणइ पट्टतूलिं निरत्थयं किं विणासेसि ? ।।९।।
सो भणइ तुज्झ पिउणो न विणस्सइ किंतु मज्झ इय भणिए ।
तप्परियणेण अयलो सिग्धं अब्भंगिओ तत्तो ।।१२।। अइमइलखलिखरंटियपल्हस्थियकलससलिलसंसित्तो । चिंतेइ मूलदेवो धिरत्यु मह जीवियव्वस्स ।।९३।। धन्ना हु जए जइणो जइणो कंदप्पसप्पदप्पस्स । मरणे वी जाण मुसियो न माणमाणिक्कभंडारो ।।९४ ।। परिहासपरंपरपासपरवसा नेहवागुरायत्ता । हरिण व्व कुसुमसरवाहबाणनिहया न के एत्थ ? ।।९५ ।।
अहव इह परभवम्मि य परिभवतरुकुसुममंजरी महिला ।
कामुयजणस्स सुइरं निम्मविया हयपयावइणा ।।९६।। इय चिंतिऊण सहसा निग्गच्छइ जाव तूलिहेट्ठाओ । दट्ठोट्ठभिउडिभासुरअयलो केसेसु संगहिय ।।९७।।
निब्भच्छिऊण पभणइ कोवपरामुसियकूरकरवालो ।
किं रे ? कीरउ अवयारकारिणो वइरिणो तुज्झ ? ।।९८ ।। तो भणइ मूलदेवो अदीणचित्तो अभिन्नमुहराओ । जं किं पि तुज्झ चित्तस्स सम्मयं कुणसुतं चेव ।।९९।। चिंतेइ तओ अयलो सामन्नो एस होइ न हु पुरिसो । न हि हीणकुलुप्पन्नाण धीरिमा एरिसा होइ ।।१०० ।।
Jain Education International 2010_02
For Private & Personal Use Only
www.jainelibrary.org