Page Text
________________
१६८
आतुरप्रत्याख्यानप्रकीर्णकम
विनाण-वयणपगरिस-किन्नरकलगीय-गुणविसेसं च ।
कलिऊण तस्स गणिया अहिययरं रंजिया हियए ।।४१।। ताहे वामणगो वि हु पेच्छइ सव्वंगसुंदरावयवं । सो देवदत्तगणियं रइगुणमाणिक्कभंडारं ।।४२।। तथा हिसिंगारजलहिलहरी सयलजुवाणेक्कमणवसीकरणं । जयविजयवेजयंती जयेक्क कामस्स कामस्स ।।४३।। सयलजणनयणअंजणअमियसलाया विलासरइभवणं । विहिविन्नाणपगरिसो मुत्तिमई मोहवल्लि व्व ।।४४।। एवं संपेच्छंतो संपत्तो तीए वासभवणम्मि । कयसमुचियोवयारो उवविट्ठो तीए पासम्मि ।।४५ ।। तो कुसलवत्तपुव्वं आउच्छइ सव्वमेव वुत्तंतं । सो वि समयाणुरूवं पयासए किं पि तप्पुरओ ।।४६।। एत्यंतरम्मि सा वि हु तप्पञ्चक्खं पयासइ पहिट्ठा । नियगीयपरमपगरिसमणुरंजियनिययपरिवारा ।।४७।। अह जंपइ वामणओ परियणकयचाडुरंजियं गणियं अप्पुव्वगेयपगरिसपरिस्समो तुह परं किंतु ।।४८।। वालाणुविद्ध तंती वंसो सुद्धो न तुम्ह वीणाए । विउसाण वन्नणिज्जो सद्दो न हु तेण रमणीओ ।।४९ ।। तव्वयणजायकोऊहलेण सम्मं निरूवए जीव । ता तंतीए पेच्छइ वालं वंसे य पाहाणं ।।५० ।। तग्गुणरंजियचित्ता पणंगणा भणइ देवदत्ता सा । वामणय ! मणो मह गीयलालसं कुणसु सकयत्थं ।।५१ ।। उद्दामरणंगणवीरपुरिसचरियाणुसारिचरिएण। सर-गामविहियमुच्छेण तेण आसारिया वीणा ।।५२।। तो कुमरगीयसंजायपरवसा हरियमाणसा सहसा । तड्डवियकन्नजुयला करिणी परिहरिय करकवलं ।।५३।। संजायविम्हया सा चिंतइ हिययम्मि अत्तणो गणिया । एवंविहगुणकलिओ सामन्नो होइ न हु एस ।।५४।। ता कारणेण केणइ होयव्वमवस्स एत्थ रूवम्मि । इय चिंतिऊण हियए वामणओ तीए भोयविओ ।।५।। तो भोयणावसाणे एगंते नेहनिब्भरं भणिओ । कहसु नियकुल-परक्कमपरमत्थं नज्झ एत्ताहे ।।५६।। तो तेण नेहरंजियमणेण सव्वं पयासियं तीए । उग्गलियगुहियभावा संजायसहावरूवेण ।।५७ ।। सब्भावरूयरंजियमणाए तो तीए देवदत्ताए । तरुणियणजणियकामो कामो व्व रईए सो दिह्रो ।।५८ ।। पभणइ य नेहसारं सा रंजियमाणसा विणयनियरा । सह रयणाहरणेहिं जीयं पि हु मह तुहाऽऽयत्तं ।।५९।। अवहरियपरोप्परमाणसाण अन्नोन्ननेहसाराण । जा जाइ कोइ कालो परिवज्जियअवरकज्जाण ।।६० ।। तो तीए अइपसंगं नाऊण कुट्टणी भणइ इवं । परिहरसु पुत्ति ! एयं धणहीणं नाणदुवियढू ।।६१ ।। जेणपाएण इयररमणी वि रच्चए उत्तमे वि न दरिद्दे । वेसाण पुण विसेसो नियदेहविढत्तदविणाण ।।६२।।
Jain Education International 2010_02
For Private & Personal Use Only
www.jainelibrary.org
| SR No. | 002562 |
| Book Title | Agam 25 Prakirnak 02 Atur Pratyakhyan Sutra |
| Original Sutra Author | Veerbhadra Gani |
| Author | Kirtiyashsuri |
| Publisher | Sanmarg Prakashan |
| Publication Year | 2010 |
| Total Pages | 400 |
| Language | Prakrit, Sanskrit, Gujarati |
| Classification | Book_Devnagari, Agam, Canon, F000, & F020 |
| File Size | 11 MB |