________________
१६६
आतुरप्रत्याख्यानप्रकीर्णकम्
१७. आशाध्याने श्रीआख्यानकमणिकोशे मूलदेवाख्यानकम् । पउरपुर-गरुयपव्वयफणिवइकयभार भारहे वासे । अस्थि विदेहाविसए कुसुमपुरं नाम नयरन्ति ।।१।। दीसंति जत्थ निञ्चं नरमणिसंदोहभूसियाऽऽवासा । नयनायसंपयपओ नयपरमो नरवई तत्थ ।।२।। विक्खायसयलनरवइसिरोमणी कुसुमसेहरो नाम । दुव्वारवइरिवारणनिवारणा जस्स भुयदंडा ।।३।। जम्मि जयलालसम्मिं वसुंधराभारमुव्वहंतम्मि । उत्तिन्नभरो कमढो रइसुहलीलं समुव्वहइ ।।४ ।। सयलंतेउरसारा विसालकुलसंभवा विसालच्छी । नियरूवोवहसियतियससुंदरी सुंदरी भज्जा ।।५।। ___तीए सह विसयसोक्खं अणुहवमाणस्स तस्स सुहियस्स ।
अइकमइ कोइ कालो रज्जधुराधरणधवलस्स ।।६।। कालेण समुप्पन्नो पुन्नज्जियसव्वसुंदरावयवो । सुहसुमिणसूइयासेसलक्खणजुओ सुओ तस्स ।।७।। कयमूलदेवनामो सुललियकरपंचधाइदुल्ललिओ । पणइयणमणभिरामो स बालभावं अइक्कन्तो ।।८।। निस्सेसकलाकुसलो विलसिरलायन्नमणहरसरीरो । तरुणियणममभिरामं संपत्तो जोव्वणारंभं ।।९।। अह अन्नया कयाई अणेगभडकोडिसंकडत्थाणे । जा चिट्ठइ नरनाहो ता पडिहारेण विन्नत्तं ।।१०।। पुह ! पउरपउरलोगो रायदुवारम्मि चिठ्इ निसिद्धो । पहुपायपउमदंसणसमुस्सुओ को समाएसो ? ।।११।।
अह भणइ नरवरिंदो दसणावलिकिरणधवलियदियन्तो । रे ! झत्ति तं पवेससु मह पुरओ पउरपुरलोयं ।।१२।। नरवइआएसेणं पवेसिओ विहियउचियसम्माणो ।
धरणीयलमिलियनिडालमंडलो पणमिय निविट्ठो ।।१३।। तो भणइ नरवरिंदो किं मह दंसणसमुस्सुओ लोओ । परचक्क-चोर-चरडाइडामरं किं नु मह रज्जे ? ।।१४।। किं वा को वि हु असरिसपसायसंपत्तिदाणदुल्ललिओ । कुणइ पराभवमासंघिओ जणो रायउलठाई ।।१५।। एवं जाव पयंपइ नरनाहो विहियपणयसम्माणो । ता मउलिमिलियकरकमलसंपुडो पभणए सेट्ठी ।।१६।।
तइ पालंते जयपहु ! अइपयडपयावपहयपडिवक्खे ।
सुविणे वि देव ! नऽन्नो अम्हं भुवणे वि भयहेऊ ।।१७।। किंतु परदाररसिओ नयपालियपरियणो महियमित्तो । परमायायाररओ बंदीकयसयलपउरजणो ।।१८।। खत्तेण गहियरह-गय-माणिक्को हयपहाणपत्तियणो । रायचरिएहिं कुमरो एवं नयरं महइ देव ! ।।१९।। इय निसुणिय पउरजणं विसज्जए विहियउचियपडिवत्ती । अंतगुरुकोवहुयवहधूमसिहसामलच्छाओ ।।२०।।
Jain Education International 2010_02
For Private & Personal Use Only
www.jainelibrary.org
