Agam 25 Prakirnak 02 Atur Pratyakhyan Sutra

SR No.: 002562
Original Sutra Author: Veerbhadra Gani
Author: Kirtiyashsuri
Publisher: Sanmarg Prakashan
Publication Year: 2010
Total Pages: 400
Language: Prakrit, Sanskrit, Gujarati
Classification: Book_Devnagari, Agam, Canon, F000, & F020
File Size: 11 MB

Page 202

खण्डः-२ दृष्टान्तसमुच्चयः
य जाव सणियं २ पञ्चोसक्कति, २ त्ता तमेव आसखंधं दुरुहति, २ तेतलिपुरं मझमज्झेणं जेणेव सए गिहे तेणेव पहारेत्थ गमणाए ।
तते णं ते तेतलिपुत्तं जे जहा ईसर जाव पासंति ते तहा नो आढायंति, नो परियाणंति, नो अब्भुटुंति, नो अंजलि [परिग्गरं करेंति] इट्ठाहिं जाव नो संलवंति, नो पुरओ य पिट्ठओ य पासओ य मग्गओ य समणुगच्छंति ।
तते णं तेतलिपुत्ते जेणेव सए गिहे तेणेव उवागए । जा वि य से तत्थ बाहिरिया परिसा भवति, तंजहा-दासे ति वा पेसे ति वा भाइल्लए ति वा सा वि य णं नो आढाति, नो परियाणति, नो अब्भुढेति । जा वि य से अभितरिया परिसा भवति, तंजहा-पिया इ वा माता ति वा जाव सुण्हा ति वा सा वि य णं नो आढाति, नो परियाणाति, नो अब्भुटेति ।
तते णं से तेतलिपुत्ते जेणेव वासघरे जेणेव सयणिज्जे तेणेव उवागच्छति, २ त्ता सयणिज्जसि णिसीयति, २ त्ता एवं वदासी-एवं खलु सयातो गिहातो निग्गच्छामि, तं चेव जाव अभितरिया परिसा नो आढाति, नो परियाणाति, नो अब्भुट्टेति । तं सेयं खलु मम अप्पाणं जीवियातो ववरोवित्तए त्ति कट्ट एवं संपेहेति, २ तालउडं विसं आसगंसि पक्खिवति, से य विसे नो कमति । तते णं से तेतलिपुत्ते नीलुप्पल जाव असिं खंधंसि उवहरति, तत्थ वि य से धारा ओएण्णा [ओइण्णा ?] । तते णं से तेतलिपुत्ते जेणेव असोगवणिया तेणेव उवागच्छति, २ ता पासगं गीवाए बंधति, २ रुक्खं दुरुहति, २ पासगं रुक्खे बंधति, २ अप्पाणं मुयति, तत्थ वि य से रज्जू छिन्ना । तते णं से तेतलिपुत्ते महतिमहालियं सिलं गीवाए बंधति, अत्थाहमतारमपोरुसेयंसि उदगंसि अप्पाणं मुयति, तत्थ वि से थाहे जाते । तते णं से तेतलिपुत्ते सुक्कंसि तणकूडंसि अगणिकायं पक्खिवति, २ त्ता अप्पाणं मुयति, तत्थ वि य से अगणिकाए विज्झाए ।
तते णं से तेतलि [पुत्ते] एवं वदासी-सद्धेयं खलु भो ! समणा वयंति, सद्धेयं खलु भो ! माहणा वयंति, सद्धेयं खलु भो ! समणा माहणा वयंति, अहं खलु एगो असद्धेयं वयामि, एव खलु अहं सह पुत्तेहिं अपुत्ते, को मेदं सद्दहिस्सति ? सह मित्तेहिं अमित्ते, को मेदं सद्दहिस्सति ? एवं अत्थेणं, दारेणं, दासेहिं, पेसेहिं, परिजणेणं, एवं खलु तेतलिपुत्तेणं अमञ्चेणं कणगज्झएणं रन्ना अवज्झाएणं समाणेणं तालपुडगे विसे आसगंसि पक्खित्ते, से वि य णो कमति, को मेयं सद्दहिस्सति ? तेतलिपुत्ते [णं अमञ्चेणं] नीलुप्पल जाव खधंसि ओहरिए, तत्थ वि य से धारा ओइल्ला [ओइण्णा ?], को मेदं सद्दहिस्सति ? तेतलिपुत्ते पासगं गीवाए बंधेइ, २ जाव रज्जू छिन्ना, को मेदं सद्दहिस्सति ? तेतलिपुत्ते महालियं जाव बंधित्ता अत्थाह जाव उदगंसि अप्पा मुक्के, तत्थ वि य णं थाहे जाए, को मेयं
___Jain Education International 2010_02