________________
खण्ड: - २ दृष्टान्तसमुच्चयः
तेतलिपुत्ते विपुलं असण- पाण- खाइम - साइमं उवक्खडावेति, २ मित्त-णाति जाव आमंतेइ, २ जाव सम्माणेइ, २ पोट्टिलं हायं जाव पुरिससहस्सवाहिणीयं सीयं दुरुहेत्ता मित्त-णाति जाव परिवुडे सव्विड्डीए जाव रवेणं तेतलिपुरं मज्झमज्झेणं जेणेव सुव्वयाणं उवस्सए तेणेव उवागच्छइ, २ सीयाओ पञ्च्चोरुहति, २ त्ता पोट्टिलं पुरतो कट्टु जेणेव सुव्वया अज्जा तेणेव उवागच्छति, २ त्ता वंदति नम॑सति, २ एवं वदासी- एवं खलु देवाणुप्पिया ! मम पोट्टिला भारिया इट्ठा कंता पिया मणुण्णा मणामा, एस णं संसारभउव्विग्गा जाव पव्वतित्तए, पडिच्छंतु णं देवाणुप्पिया ! सिस्सिणिभिक्खं । अहासुहं, मा पडिबंधं ।
१५९
तणं सा पोट्टिला सुव्वयाहिं अज्जाहिं एवं वुत्ता समाणा हट्ठ [तुट्ठा ] उत्तरपुर [त्थिमं दिसीभागं अवक्कमति, अवक्कमित्ता ] सयमेव आभरण - मल्लालंकारं ओमुयति, २ सयमेव पंचमुट्ठियं लोयं करेइ, २ जेणेव सुव्वयाओ अज्जाओ तेणेव उवागच्छइ, २ वंदति नम॑सति, २ त्ता एवं वदासी - आलित्ते णं भंते ! लोए, एवं जहा देवाणंदा जाव एक्कारस अंगाई [ अहिज्जति,] बहूणि वासाणि सामन्नपरियागं पाउणइ, मासियाए संलेहणाए अत्ताणं झोसेत्ता सट्ठि मत्ताई अणसणाए छेदेत्ता आलोइयपडिक्कंता समाहिपत्ता कालमासे कालं किच्चा अन्नतरेसु देवलोएसु देवत्ताए उववन्ना ।
तसे कणगरहे राया अन्नया कयाइ कालधम्मुणा संजुत्ते यावि होत्था । तते णं ते ईसर जाव णीहरणं करेंति, २ अन्नमन्नं एवं वदासी - एवं खलु देवाणुप्पिया ! कणगरहे राया रज्जे य जाव पुत्ते वियंगित्था, अम्हे णं देवाणुप्पिया ! रायाहीणा रायाहिट्ठिया रायाहीणकज्जा, अयं च णं तेतली अमच्चे कणगरहस्स रन्नो सव्वट्ठाणेसु सव्वभूमियासु लद्धपच्चए दिन्नवियारे सव्वकज्जवट्टावर यावि होत्था, तं सेयं खलु अम्हं तेतलिपुत्ते अमचं कुमारं जातित्तए त्ति कट्टु अन्नमन्नस्स एयमहं पडिसुर्णेति, २ जेणेव तेतलिपुत्तं अमञ्च तेणेव उवागच्छंति, २ तेयलिपुत्तं एवं वदासी - एवं खलु देवाणुप्पिया ! कणगरहे राया रज्जे य रट्ठे य जाव वियंगेइ, अम्हे य णं देवाणुप्पिया ! रायाहीणा जाव रायाहीणकज्जा, तुमं च णं देवाणुप्पिया ! कणगरहस्स रण्णो सव्वट्ठाणेसु जाव रज्जधुराचिंतए । तं जणं देवाणुप्पिया ! अत्थि केइ कुमारे रायलक्खणसंपन्ने अभिसेयारिहे तं णं तुमं अम्हं दलाहि, जाणं अम्हे महया २ रायाभिसेएणं अभिसिंचामो ।
तणं तेतलिपुत्ते तेसिं ईसर- [ तलवर - माडंबिय - कोडुंबिय - इब्भ-सेट्ठि - सेणावइसत्थवाहपभिईणं] एतम पडिसुति, २ त्ता कणगज्झयं कुमारं हायं जाव सस्सिरीयं करेत्ता तेसिं ईसर जाव उवणेति, २ त्ता एवं वदासी - एस णं देवाणुप्पिया ! कणगरहस्स रण्णो पुत्ते पउमावतीए देवीए अत्तए कणगज्झए नामं कुमारे अभिसेयारिहे रायलक्खणसंपन्ने, मए कणगरहस्स रन्नो रहस्सिययं संवडिए ।
Jain Education International 2010_02
For Private & Personal Use Only
www.jainelibrary.org