Agam 25 Prakirnak 02 Atur Pratyakhyan Sutra

SR No.: 002562
Original Sutra Author: Veerbhadra Gani
Author: Kirtiyashsuri
Publisher: Sanmarg Prakashan
Publication Year: 2010
Total Pages: 400
Language: Prakrit, Sanskrit, Gujarati
Classification: Book_Devnagari, Agam, Canon, F000, & F020
File Size: 11 MB

Page 161

आतुरप्रत्याख्यानप्रकीर्णकम्
तस्स वयण नमुई मन्ने उवसमइ तो भणइ सूरी । साहु भणियं परं तं को आणेही मुणी एत्थ । । ५१|| तो भइ एगसाहू हेण गमणंमि अत्थि मह सत्ती । आगमणंमि न विज्जइ तो भणिओ सूरिणा सोऽवि ।। ५२ ।। आणेस्सइ एत्थ तओ इय भणिए झत्ति सो मुणी गयणे । उप्पइओ दट्ठूण य खणेण तं चिंतए विण्हू ।। ५३ ।। गरुयं पवयणकज्जं वासारत्तेऽवि तेणिमो साहू । इह आगच्छइ तेणवि तो सव्वं साहियं तस्स । । ५४ ।। तत्तो विण्हू तं गिण्हिऊण पत्तो खणेण नमइ गुरुं । सेसेऽवि मुणी सम्माणिऊण पत्तो नमुइपासे ।। ५५ ।। तं मोत्तूणं सेसेण पणमिओ सयलरायलोएण । उवविट्ठो कहिऊणं धम्मं तो महरवणेहिं ।। ५६ ।। भणिओ नमुई चिट्टंतु साहुणो जाव वयइ घणसमणो । तेण भणियं किमेवं पुणरत्तं आलभणिएहिं ? ।।५७।। भणियदिणाणं उवरिं जइ तुब्भं कंपि एत्थ पिच्छामि । ता तह करेमि जह से नापि हु निट्ठए लोए ।। ५८ ।। इय जह जह सो महुरं भणेइ तह तह चडेइ अहिअयरं । तत्तो कुविओ विण्हू पभणइ रे दुट्ठ ! सच्चमिणं । । ५९ ।।
कडुएहिं चिय सिंभो व्व दुज्जणो उवसमं पवज्जेइ । पगईए यि कुप्पइ सो दिज्जंतेहिं महुरेहिं ।। ६० ।। निम्मलवणेहिवि सज्जणाण पगइं न दुज्जणो मुयइ । न हि धोइओऽवि दुद्धेण निम्मलो होइ इंगालो । । ६१ । । जं च मुणीणं उवसमधणाण अइकक्कसं समायरसि । तत्थवि तुह पडिकूलो दिव्वो जं खीरजलहिम्मि ।। ६२ ।। अइमंथणाउ महुरेवि उट्ठियं किं न कालकूडविसं ? । ता किं बहुणा ? साहूण देसु ठाणं कमतिगपि ।। ६३ । । तणाव भणि होउ इमे किंतु कमतिगस्स बहिं । जइ तुब्भाणं पावेमि कंपि ता नूण मारेमि । ६४ ।। तो विहू कोवेणं महुघसित्तो व्व पावओ जलिओ । कयवेउव्वियरूवो आढत्तो वड्ढि गयणे । । ६५ ।। जोयणलक्खसरीरो खणेण पलयानलु व्व दुप्पिच्छो । संजाओ कसिणतणू भयंकरो सयलभुवणस्स ।।६६।। कमदद्दरं कुणंतो गामागरनगरसागराइण्णं । कंपावइ महिवीढं ढालेइ गिरीण सिहराई । । ६७ ।। उच्छालइ जलनिहिणो आयंकं जणइ मणुयतिरियाणं । भवणवणजोइवेमाणियाण संजणइ संखोभं । । ६८ ।। नमुईसिरम्मि पायं दाऊण रसायलम्मि पक्खित्तो । तो पुव्वावरजलहीसु चिट्ठए जा कमे ठविउं । । ६९ ।। भुवत्यखोभाओ नाउं सक्केण तं मुणिं कुवियं । पट्ठवियाओ कलकंठियाओ तो अच्छराउ तहिं ।। ७० ।। उवसमहेउं सवणेसु तस्स होऊण महुरकंठेणं । गायंतीओ एवं भांति जह भो महाभाग ! ।। ७१ । । सपरोभयसंतवओ कोवो तह सुचरियस्स निट्ठवओ । दुग्गइगममहपंथो पलिमंथो सयलसोक्खाणं ।। ७२ ।। तित्थयरा अन्नेवि हु महरिसिणो अतुलविक्कमजुआवि । विसहंति विहीणाणवि सव्वं परलोयभीरुमणा ।।७३।।
१२०