________________
१२८
ध्यानशतकम
-
वचारम्
विचारस्वरूपम् विचरण होइ विचारो, गमणं अनोत्रपज्जवेसुं तु । संकमणं अत्यवंजण, को अत्थो वंजणं किं वा ।। ९६५१ ।। अर्थ-व्यञ्जनस्वरूपम् दव्वं तु होइ अत्यो, वंजण होअक्खरं तु नामं च । जोगो य मणाईओ, अंतरभेएसु एएसु ।। ९६५२ ।। सविचारम् जं संचरणऽन्नोन्ने, सो नियमा भण्णए वियारो त्ति । सह तेण वियारेणं, तो सवियारं पढमसुक्कं ।। ९६५३ ।। एकत्ववितर्काविचारम् अहुणेगत्तवियकं, एगत्तं नाम एगपज्जाये । उप्पायठिईभंगाऽऽइ-याणं जं होइ एगयरे ।। ९६५४ ।। होइ वियत्रं ति सुयं, पुव्वगयं तेण तं वियक्कं ति । न वि धरइ जमऽण्णन्ने, वंजणअत्थे व जोगे वा ।। ९६५५ ।। तो भन्नइ अवियारं, निक्कंपं तं निवायदीवो व्व । बियसुक्कमेव भणियं, एगत्तवियक्कमऽवियारं ।। ९६५६।। चरमे शुक्लध्याने सुहुमम्मि कायजोगे, केवलिणो होइ सुहुमकिरियं तु । अकिरियमऽप्पडिवाई, सेलेसीए चउत्थमिणं ।। ९६५७ ।। आयुधस्थानीयशुक्लध्यानम् एयं कसायजुज्झम्मि, होइ खवगस्स आउहं झाणं । झाणविहुणो ण जिणइ, जुझं व निराऽऽउहो सुहडो ।। ९६५८ ।। क्षपक-निर्यामको इय झायंतो खवओ, जइया वोत्तुमऽसमत्थओ होइ । तइय निज्जवगाणं, साऽभिप्पायप्पयडणत्थं ।। ९६५९।। हुंकारंऽजलिभमुहंऽगुलीहिं, अच्छीविकूणणेणं वा । सिरचालणपमुहेहि य, लिंगेहि निदंसइ सण्णं ।। ९६६० ।। तो पडियरगा खवगस्स, देंति आराहणाए उवयोगं । जाणंति सुयरहस्सा, कयसन्ना तस्स माणसियं ।। ९६६१ ।। गुणश्रेण्यामारोहणम् इय समभावमुवगओ, तह झायंतो पसत्थयं झाणं । लेसाहिं विसुझंतो, गुणसेढिं सो समारुहइ ।। ९६६२ ।। इय धम्मसत्थमत्थयमणीए, संवेगरंगसालाए । चउमूलद्दाराए, सोग्गइगमपउणपयवीए ।। ९६६३ ।। ध्यानद्वारम् आराहणाए पडिदार-नवगमइए समाहिलाभम्मि । भणियं चउत्थदारे, छटुं झाणं ति पडिदारं ।। ९६६४ ।।
Jain Education International 2010_02
For Private & Personal Use Only
www.jainelibrary.org
