________________
परिशिष्टम्-१०, संवेगरङ्गशालागतध्यानस्वरूपम्
१२७ आज्ञाविचयस्वरूपम् पउणमऽणवज्जमऽणुवम-मऽणाइनिहणं महत्थमऽवहत्थं । हियमऽजियमऽवितह-मऽविरोहमऽमोहमोहहरं ।। ९६३९ ।। गंभीरजुत्तिगरुयं, सुइसुहयमऽवाहयं महाविसयं। निउणं जिणाणमाऽऽणं, चिंतेइ अचिंतमाहप्पं [दारं] ।। ९६४० ।। अपायविचयम् इंदियविसयकसाया-ऽऽसवाऽऽइकिरियासु वट्टमाणाणं । नरयाऽऽइभवाऽऽवासे, विविहाऽवाए विचिंतेजा [दारं] ।। ९६४१ ।। विपाकविचयम् मिच्छत्ताऽऽइनिमित्तं, सुहाऽसुहं पयइठिइपएसाइं । कम्मविवागं चिंतेइ, तिव्वमंदाऽणुभावं सो [दारं] ।। ९६४२ ।। संस्थानविचयम् पंचऽस्थिकायमइयं, लोगमऽणाइनिहणं जिणक्खायं । तिविहमऽहोलोगाई, दीवसमुद्दाइ चिंतेइ ।। ९६४३ ।। भावना होइ य झाणविरमे, निञ्चमऽणिञ्चाइभावणाऽणुगओ । ताओ य सुविहियाणं, पवयणविहिणा पसिद्धाओ ।। ९६४४ ।। शुक्लध्यानम् एवं समइक्कतो, धम्मज्झाणं जया भवइ खवओ । तत्तो झायइ सुक्कं, चउभेयं सुद्धलेसागो ।। ९६४५।। आद्ये शुक्लध्याने बिंति पुहत्तवियक्कं, सवियारं जिणवरा पढमसुक्कं । बीयं सुक्कज्झाणं, एगत्तवियक्कमवियारं ।। ९६४६ ।। चरिमे शुक्लध्याने सुहुमकिरियानियट्टि,सुक्कज्झाणं भणंति तइयं तु । वोच्छिन्नकिरियमऽप्पडि-वाइक्कं खु चउत्थं पि ।। ९६४७ ।। विस्तार-वितर्कस्वरूपम् पिहु वित्थरो त्ति भण्णइ, वित्थयभावो भवे पुहत्तं ति । वित्थरओ तक्कयई, चिंतयइ तो वियक्कं ति ।। ९६४८ ।। किह वित्थओ भण्णइ, परमाणुजियाइएगदव्वंमि । उप्पायट्ठिइभंगा, मुत्ताऽमुत्ताइपज्जाया ।। ९६४९।। वितर्कव्याख्या तेसिं जं अणुसरणं, नयभेएहिं बहुप्पयारेहिं । होइ वियक्को त्ति सुयं, तो पुव्वसुयाऽणुसारेणं ।। ९६५० ।।
___Jain Education International 2010_02
For Private & Personal Use Only
www.jainelibrary.org
