________________
परिशिष्टम्-१० पूज्यपादाचार्यश्रीमजिनचन्द्रसूरिविरचित-संवेगरङ्गशालायां
चतुर्थ-समाधिलाभनाममूलद्वारे - ध्यानद्वारम् ।
ध्यानद्वारम्
समया परायणेण वि, असुहज्झाणं विहाय सज्झाणे । जइयव्वं खवगेणं ति, झाणदारं निदंसेमि ।। ९६२८ ।। शुभध्यानध्याता जियरागो जियदोसो, जिइंदिओ जियभओ जियकसाओ । अरइरइमोहमहणो कयभवदुममूलनिद्दहणो ।। ९६२९ ।। अट्ट रोदं च दुवे, झाणाई दुहमहानिहाणाइँ । निउणमईए समयाउ, बुज्झिऊणुज्झिऊणं च ।। ९६३० ।। धम्मं चउप्पयारं, सुक्कं पि चउव्विहं किलेसहरं । संसारभमणभीओ, झायइ झाणाई सो दोण्णि ।। ९६३१ ।। दुर्ध्यानफलम् न परीसहेहिं संताविओ वि, झाएज्ज अट्टरोद्दाइं । सुटुवहाणविसुद्धं पि, जेण एयाइं नासिंति ।। ९६३२ ।। चतुष्प्रकारमातम् अमणुनसंपयोगे, मणुनविगमम्मि वाहिविहुरत्ते । परइड्डिपत्थणम्मि य, अझै चउहा जिणा बेंति ।। ९६३३।। चतुष्प्रकारं रौद्रम् हिंसाऽलियचोरिक्काऽणुबंधिं सारक्खणाऽणुबंधिं च । तिव्वकसायरउदं, रुदं पि चउब्विहं अहवा ।। ९६३४ ।। ध्यानचतुष्कस्वरूपम् “कामाऽणुरंजियं अट्ट, रोदं हिंसाऽणुरंजियं । धम्माऽणुरंजियं धम्मं, सुक्कं झाणं निरंजणं" ।। ९६३५ ।। आर्त्तरौद्रज्ञाता क्षपकसाधुः अट्टे चउप्पयारे रुद्दम्मि चउव्विहम्मि जे भेया । ते सव्वे परिजाणइ, संथारगओ खवगसाहू ।। ९६३६ ।। धर्मध्यानभावना तो भावणाहिं भाविय-चित्तो झाएइ धम्मवरझाणं । चउहा वि नाणदसण-चरित्तवेरग्गरूवाहिं ।। ९६३७ ।। ध्यातव्यानि पढमं आणाविचयं, विपाकविचयं अवायविचयं च । संठाणविचयमेवं, धम्मज्झाणे झियाइ मुणी ।। ९६३८ ।।
_Jain Education International 2010_02
For Private & Personal Use Only
www.jainelibrary.org
