________________
कुम्मापुत्तचरिअम् तं दट्ठणं पुच्छइ चक्कधरो धम्मचक्किणं नाहं । भयवं ! केऽमी चारणसमणा सुमणा कओ पत्ता ॥१६६।। तो जिणवरो पयंपइ-नरिन्द ! निसुणेहि; चारणा एए । वेअड्ड-भारहाओ समागया अम्ह नमणत्थं ॥१६७|| पुंच्छेइ चक्कवट्टी भयवं ! वेअड्ड-भरहवासम्मि । किं को वि अत्थि संपइ, चक्की वा केवली वा वि ॥१६८।। जंपइ जिणो-न संपइ भरहे नाणी नरिंद चक्की वा । किं पुण कुम्मापुत्तो गिहवासे केवली अत्थि ॥१६९।। चक्कधरो पडिपुच्छइ; भयवं ! किं केवली घरे वसइ । केहइ पहू निअअम्मापिउपडिबोहाय सो वसइ ।।१७०।। पुच्छंति चारणा ते; भयवं ! अम्हाण केवलं अत्थि । पहुणा कहिअं; तुब्भं पि केवलं अत्थि अचिरेणं ॥१७१।। सामिय ! सिवगइगामिअ अम्हाणं केवलं कया अस्थि । इअ कहिए जगदुत्तमनामजिणिंदो समुद्दिसइ ॥१७२।। जइआ कुम्मापुत्तो तुम्हाण कहिस्सई सयं चेव । महसुक्क-मंदिरकहं तेइआ भो ! केवलं अत्थि ॥१७३॥ इअ सुणिअं मुणिअतत्ता तिगुत्तिगुत्ता जिणं नमंसित्ता । तस्स समीवे पत्ता चउरो चिटुंति तुसिणीआ ॥१७४।। ते ताव तेण वुत्ता; भद्दा ! तुझं जिणेण नो कहिअं । महसुक्के जं मंदिरविमाणसुक्खं समणुभूअं ॥१७५।।
१. ब. ता जिण । २. अ क ज त चक्कवट्टी य पुच्छइ; च. चक्कवट्टी पुच्छइ; ख ध ट. ते दट्टणं पुच्छइ चक्कधरो चक्किणं नाहं । ३. क ख ग घ त. जंपइ । ४. अ केवली अस्थि । ५. ब सिवपुर; ग सिवगय । ६. अ त. तइआ भे ।
Jain Education International 2010_02
For Private & Personal Use Only
www.jainelibrary.org
