________________
सिरिकुम्मापुत्तचरिअम्
आयरियक्खित्ते वि हु पत्ते पडुइंदियत्तणं दुलहं । पाएण को वि दीसइ नरो न रोगेण रहिअतणू ॥१५७।। . पत्ते वि पेडुतणुत्ते दुलहो जिणधम्मसवणसंजोगो । गुरुगुरुगुणिणा मुणिणो जेण न दीसंति सव्वत्थ ॥१५८॥ लद्धम्मि धम्मसवणे दुलहं जिणवयरयणसदहणं । विसयकहपसत्तमणो घणो जणो दीसए जेण ॥१५९।। सदहणे संपत्ते किरिआकरणं सुदुल्लहं भणिअं ।
जेणं पमायसत्तू नरं करतं पि वारेइ ॥१६०।। यत:
प्रमादः परमद्वेषी प्रमादः परमो रिपुः ।। प्रमादो मुक्तिपूर्दस्युः प्रमादो नरकायनम् ॥१६१॥ ते धन्ना कयपुण्णा जे णं लहिऊण सयलसामग्गि । चइअ पमायं चारित्तपालगा जंति परमपयं" ॥१६२॥ इअ सुणिय जिणुवएसं सम्मत्तं के वि के वि चारितं ।
भावेण देसविरई पडिवन्ना के वि कयपुण्णा ॥१६३।। इत्थन्तरे
कमला-भमर-द्दोण-दुमजीवा जे पुरा गया सुक्के । ते चविय भरहखित्ते वेयड्ढे खेअरा जाया ॥१६४॥ चउरो वि भुत्तभोगा चारणसमणंतिए गहिअचरणा । तत्थेव य संपत्ता जिणंदमभिवंदिअ निविट्ठा ॥१६५।।
१. ब. पडुत्तणत्ते । २. क गुरुगुणगुरुओ; अ ट गुरुगुणगुणिणो । ३. अ क ब. सव्वसामग्गि । ४. क च छ ब जिणिंद ।
Jain Education International 2010_02
For Private & Personal Use Only
www.jainelibrary.org
