________________
कुम्मापुत्तचरिअम् विसयसुहं भुंजंताण ताण सुक्खेण वच्चए कालो । जह अ सुरिंद-सईणं अह वा जह वम्मह-रईणं ॥९९।। अन्नदिणे सा देवी निअसयणिज्जम्मि सुत्तजागरिआ । सुरभवणं मणहरणं पिच्छइ सुमिणम्मि अच्छरिअं ॥१००।। जो पभायसमए सयणिज्जा उट्ठिऊण सा देवी । रायसमीवं पत्ता जंपइ मेहुराहि वग्गूहिं ॥१०१॥ अज्ज ! अहं सुरभवणं सुमिणम्मी पासिऊण पडिबुद्धा । ऐअस्स सुमिणगस्स य भविस्सई के फलविसेसे ॥१०२।। इअ सुणिअ हट्ठतुट्ठो राया रोमंचअंचिअसरीरो । निअमइअणुसारेणं साहइ एआरिसं वयणं ॥१०३।। देवि ! तुमं पडिपुन्ने नवमासे सड्डसत्तदिणअहिए । बहुलक्खण-गुणजुत्तं पुत्तं पाविहिसि जगनित्तं ॥१०४|| इअ नरवइणो वयणं सुणिऊणं हट्टतुट्ठनिअहिअया । नरनाहअणुन्नाया सा जाया नियगिहं पत्ता ॥१०५।। तत्थ य कुमारजीवो देवाउं पालिऊण कुम्माए । उअरम्मि सुकयपुण्णो सरम्मि हंसु व्व अवइण्णो ॥१०६।। रयणेण रयणखाणी जहेव मुत्ताहलेण सुत्तिउडी । तह तेणं गब्भेणं सा सोहग्गं समुव्वहई ॥१०७॥
१. क छ ब. ताणं । २. इयमार्या द्विवारं लिखिता दृश्यते 'ख' पुस्तके । ३. क ख ग घ च छ ज जागरया ४. क च ज ब सयणिज्जाउ उट्ठिऊण; छ. सयणेज्जा उट्टिऊण । ५. अ क ग त. महुराइ । ६. क त. एअस्स य सुमिणगस्स य; अ. एअसयसुमिणगस्स य । ७. ब. को फलविसेसो; ट. किं फलविसेसं । ८. अ ग त. जगमित्तं; ट जगनन्नं । ९. अ ख छ ट देवाउ । १०. ख घ छ ब. हंस व्व । ११. त. उव्वइन्नो।
Jain Education International 2010_02
For Private & Personal Use Only
www.jainelibrary.org
