________________
१४
कुम्मापुत्तचरिअम् भो भद्द ! केण कज्जेण अज्ज आराहिआ तए अहयं । सो भणइ; देवि ! चिंतामणीकए उज्जमो ऐसो ||८०|| देवी भणेइ-भो ! भो ! नत्थि तुहं कम्ममेव सम्मकरं । जेणप्पंति सुरा वि अ धणाणि कम्माणुसारेणं ॥८१॥ से भणइ; जइ मह कम्मं हवेइ ? तो तुज्झ कीस सेवामि । तं मज्झ देसु रयणं; पच्छा जं होउ तं होउ ।।८२।। दत्तं चिंतारयणं तो तीए तस्स रयणवणिअस्स । सो निअगिहगमणत्थं संतुट्ठो वाहणे चडिओ ॥८३।। पोअपएसनिविट्ठो वणिओ जा जलहिमज्झमायाओ । ताव य पुवदिसाए समुग्गओ पुण्णिमाचंदो ॥८४|| तं चंदं दट्ठणं निचित्ते चिंतए स वाणियओ । चिंतामणिस्स तेअं अहिअं? अह वा मयंकस्स ? ||८५।। इअ चिंतिऊण चिंतारयणं निअकरतले गहेऊणं । नियदिट्ठीइ निरक्खइ पुणो पुणो रयणमिदं च ॥८६।। इअ अवलोअंतस्स य तस्स अभग्गेण करतलपएसा । अइसुकुमालमुरालं रयणं रणायरे पडिअं ॥८७|| जलनिहिमज्झे पंडिओ बहु बहु सोहंतएण तेणावि । किं कह वि लब्भइ ? मणी सिरोमणी सयलरयणाणं ॥८८।।
१. अ च छ त. एस । २. अ च छ त ब. तुह । ३. क ट त. सो भणइ मह कम्मं । ४. घ पुस्तके "दत्तं चिंतारयणं०" इति आर्या न दृश्यते । ५. अ. वाणिओ । ६. क ख ग घ ब निरिक्खइ । ७. छ ब. अइसुकुमालपुरालं; क च ज. अइसुकुमालसुरालं; ट. अइसुकुमालत्तणओ रयणं० । ८. ब. पडिउं ।
____Jain Education International 2010_02
For Private & Personal Use Only
www.jainelibrary.org
