________________
सिरिकुम्मापुत्तचरिअम्
तं कण्णं अणुधावइ तव्वअणकुऊहलाकुलिअचित्तो । तप्पुरओ धावंती सा वि हु तं निअवणं नेइ ॥२३।। बहुसालवडस्स अहेपहेण पायालमज्झमाणीओ ।
सो पासइ कणगमयं सुरभवणमईवरमणिज्जं ॥२४।। ते च केरिसं
"रयणमयखंभपंतीकंतीभरभरिअभिंतरपएसं । मणिमयतोरणधोरणितरुणपहाकिरणकब्बुरिअं ॥२५॥ मणिमयखंभअहिटिअर्पत्तलिआकेलिखोभिअजणोहं । बहुभत्तिचित्तचित्तिअगवक्खसंदोहकयसोहं" ॥२६॥ एयमवलोइऊणं सुरभवणं भुवणचित्तचुज्जकरं । अइविम्हयमावन्नो कुमरो इअ चिंतिउं लग्गो ॥२७॥ किं इंदजालमेअं ऐअं सुमिणम्मि दीसए अहवा । अहयं नियनयराओ इह भवणे केण आणीओ ॥२८॥ इय संदेहाकुलिअं कुमरं विनिवेसिऊण पल्लंके । विन्नवइ 'वंतरवहू सामिअ वयणं निसामेसु ॥२९।। अज्ज मए अञ्जमए चिरेण कालेण नाह दिट्ठो सि । सुरभिवणे सुरभवणे निअकज्जे आणिओ सि तुमं ॥३०॥
१. च ज. वणस्स । २. ग घ छ ट. अहोपहेण । ३. क च. तं केरिसं, अ पुस्तके 'तं च केरिसं' इति नोपलभ्यते । ४. क ख ट ब. थंभ । ५. अ. विच्छुरिअं; ट. अब्बुरिअं, ख किरणकच्छुरिअं । ६. अ पुत्तलियाकेलिसोभियपत्तेयं । ७. अ. चित्तउज्जोय । ८. अ. इअ चिंतओ लग्गो । ९. छ ज त. सुमिणं सुमिणम्मि; क ग घ ट ब. सुमिणं सुमणम्मि; ख. सुमणंसि मणम्मि । १०. त ब. नयरीओ; ट. अहवा नियनयराओ। ११. अ. वंतरिवहू। १२ अ. अज्ज मए सुकयत्थो; ख ग च छ ट ब. अज्ज मए अज्ज मए । १३. ट. सुरभवणे सिरिभवणे, क च त सुरभवणं सुरभवणे।
___Jain Education International 2010_02
For Private & Personal Use Only
www.jainelibrary.org
