________________
पंचमो उद्देसो संपयं 'समणधम्मो'
खंती गुत्ती (?) य मद्दवज्जव, मुत्ती तवसंजमे तहा । सच्चं सोयं आकिंचणं च बंभं च जइधम्मो ॥१८४॥ [ नव./गा.२३] पंचासवाणि(ण) विरई, पंचिंदियनिग्गहो कसायजओ । दंडतिगस्स य विरई, अह एसो संजमो भणिओ ॥१८५॥[प्र.सा.गा.५५५] पंचासवाण विरई, आसवदाराइं जेहिं आसवइ । कम्मं अट्ठपयारं, पाणाईवाय........माईणि ॥१८६॥ पंचण्हमिंदियाणमिह सद्दरसरूयगंधफासेसु । विसएसु पवत्ताणं, निरंभणा निग्गहो भणिओ ॥१८७॥ कोहस्स य माणस्स य, माया-लोभस्स भेयभिन्नस्स । सम्मं विफलीकरणं, एसो विजओ कसायाणं ॥१८८॥ मण-वाया-काएहिं, परस्स पीडा उ अह इमे दंडा । एएसिं जमकरणं, विरई एसा उ दंडाणं ॥१८९॥ जं संजमिओ अप्पा, एएहिं कीरइ सयाकालं । तेणेस संजमो इह, अप्पागुत्तत्तणं सो य ॥१९०॥ आयरियाईणं जं, कीड आहारपाणमाईयं । अक्खूणं अह एयं, वेयावच्चं जिणाभिहियं ॥१९१॥ बंभस्स य गुत्तीओ, नव हुँति इमाओ ताओ निसुणेह । इत्थिपसुपंडरहिया, वसही पढमा इमा गुत्ती ॥१९२॥ नेवच्छरूवउल्लावत्थी( त्थि )कहपवज्जणं भवे बीया । थीआसणपरिहरणं, जाव मुहुत्तं भवे तइया ॥१९३॥ इत्थीथणनयणाइएसु , दिट्ठी न य बंधए अह चउत्थी । पंचमिया कुटुंतरमेहुणसंसत्तपरिहरणं ॥१९४॥ जं पुट्वि अभिरमियं, इत्थीहिं समं न सुमरए छट्ठा । सत्तमिया अइपणियं, विवज्जए जमिह आहारं ॥१९५॥
Jain Education International 2010_02
For Private & Personal Use Only
www.jainelibrary.org