________________
६४
जंबुचरियम् तओ गुरुणा भणियं
जे ते पंचपयारा, सिट्ठा तुह कुमर ! आसि मे पुव्वं ।
ते मणुयगईपत्ता, केविह वच्चंति कयपुन्ना ॥१७४॥ तओ सिवकुमारेण भणियं-अवि य
कह ते वच्चंति तहिं, भणियं गुरुणा वि चरण-करणेहिं ।
सिवकुमारेणं भणियं-भयवं ! ता कहसु ताणेवं ॥१७५।। तओ गुरुणा भणियं-'सुणसु कुमार ! चरणकरणाणि जाइं मोक्खगमणकारणाणि भणियाणि जयगुरूहि जिणयंदेहिं'
"वयसमणधम्मसंजमवेयावच्चं च बंभगुत्तीओ। नाणाइतियं तव कोहनिग्गहो इइ चरणभेयं" ॥१७६॥[सं.प्र./गा.७४० ] "पिंडविसोही समिई, भावण पडिमा य इंदियनिरोहो ।
पडिलेहण गुत्तीओ, अभिग्गहा चेव करणं तु" ॥१७७॥ [सं.प्र./गा.७४१ ] एएसिं पुण गाहाणं इमो अवयवभावत्थो । तत्थ ताव 'वयं'
"पाणाइवायविरमण, मण-वइ-काएहिं पढमवयमेयं । इंदिय-बल ऊसासा, आउं च इमे य ते पाणा ॥१७८॥ अलियस्स य जा विरई, मण-वइ-काएहिं अह भवे वीयं । अलियं असच्चवयणं, सव्वं चिय सत्तपीडयरं ॥१७९॥ आ वि]दिन्नस्स य विरई, मण-वय-काएहि तइयवयमेयं । अवि]दिन्नम[ णु णुन्ना(ना)यं, तु सामिणा जं भवे दव्वं ॥१८०॥ एवं मेहुणविरई, मण-वइ-काएहिं वयमिह चउत्थं । मेहुणबंभच(च्च )रियं, इत्थीउवसेवणं तं तु ॥१८१॥ एवं परिग्गहस्स य, विरई मण-वयण-कायजोएहिं । अजोगदव्वच(च्च )रणं, मुच्छाओगे य सा एसा ॥१८२॥ वयमिह भन्नइ नियमो, पंचविहं तं पि वणियं एत्थ । मूलपभेएणेवं, अणेगहा होइ वित्थरओ ॥१८३॥
Jain Education International 2010_02
For Private & Personal Use Only
www.jainelibrary.org
