________________
पंचमी उद्देस
सत्तपयारा नेया, नेरइया नवर एत्थ नरएसु । रयणपाइसु कमसो, बहुबहुदुक्खाउरा नवरं ॥ १६३॥ मूसाईया तिरिया, सव्वे वि हवंति तिरियलोयम्मि | जलथलखहयरभेया, दीवसमुद्देसु णेगविहा ॥१६४॥ मावि बहुपयारा, अड्डाइज्जेसु नवर दीवेसु । के वि अवट्ठियआऊ, अन्ने अणवट्टिणो नेया ॥ १६५ ॥ देवा वि चउवियप्पा, वंतर तह भवणवासिणो हुंति । जोइसिया वेमाणिय, एत्तो निसुणेह जह कमसो ॥ १६६ ॥ भूय-1 - पिसाया जक्खा, य रक्खसा किन्नरा य किंपुरिसा । गंधव्वा य महोरग, अट्ठ अहो वंतरनिकाया ॥१६७॥
असुरा नागा विज्जू, सुवन्न अग्गी य वायु - थणिया य । यही दीव दिसा वि य, दसहा अहो ( हो ) भवणवासीया ॥ १६८॥
चंदा रविणो य गहा, नक्खत्ता तारया मुणेयव्वा । जोइसिया पंचविहा, नायव्वा तिरियलोयम्मि ॥ १६९ ॥ वेमाणिया यदुविहा, कप्पाईया य कप्पजाया य । दुविहा कप्पाईया, वारसहा कप्पसंभूया ॥ १७० ॥
एए पंचपयारा, जीवा अह इंदियाणि आसज्ज । संखेवेण भणिया, अन्नहु( ह) उण हुंति णेगविहा" ॥१७१॥
यत उक्तम्- 'द्विविधाः सुरावराख्या' इत्याद्यार्यात्रयेणेति । एवं गुरुणा भणिए, भणियं पणिवइयउत्तमंगेणं सिवकुमारेणं-' भयवं ! जीवा किं नत्थि केवन्ने ( ? ) ' । तओ गुरुणा भणियं
एएसिं वइरित्ता, इंदिय - नोइंदिएहिं परिमुक्का ।
सिद्धा हवंति मोक्खे, निच्चं चिय सासया नवरं ॥ १७२ ॥ तओ सिवकुमारेण भणियं - भयवं !
किं जे पंचपयारा भणिया तुम्हेहिं तत्थ ते जंति ? । किं वा ते तत्थेव [य] उववन्नाऽणाइकालेण ? || १७३ ||
६३
Jain Education International 2010_02
For Private & Personal Use Only
www.jainelibrary.org
