________________
जंबुचरियम् दाणं बुद्धी पत्तं, तिन्नि वि एयाई होति धन्नाणं ।
ता सकयत्थो अहयं, तिन्नि वि जायाइं एयाइं ॥१५१॥ भणियं च- "एयाइं ताई चिरचिंतियाइं तिन्नि वि कमेण पत्ताइ ।
साहूण य आगमणं, संतं च मणप्पसाओ य" ॥१५२॥ [ ] एवं च चिंतिऊणं, हरिसवसुप्फुल्लरोमनिचएणं । पडिलाहिओ महप्पा, विउलेणं भत्तपाणेणं ॥१५३॥ दव्वाइविसुद्धाण य, गाहग-दायाण अह पभावेण । पडिया फुरंतरयणा, वसुहारा तस्स गेहम्मि ॥१५४॥ सुरही पवणो मेहेहिँ गज्जियं दिव्वकुसुमवरिसणयं । गयणंगणम्मि घुटुं, दाणं दाणं ति देवेहिं ॥१५५॥ अह एयं वुत्तंतं, लोयाओ जाणिउं सिवकुमारो । विम्हियहियओ चलिओ, सायरदत्तस्स गुरुमूले ॥१५६।। गंतूण तस्स मूले, तिउणं च पयाहिणं पकाऊण । भत्तिभरनिब्भरंगो, पण(णि)वइओ पायकमलम्मि ॥१५७|| उवविट्ठो गुरुमूले, गुरुणा वि य सजलजलहररवेण । पारद्धा धम्मकहा, कुमारपमुहाण सव्वेसिं ॥१५८॥ "जीवा पंचपयारा, पन्नत्ता जिणवरेहिं सव्वेहिं । एगिदियमाईया, नेया पंचिंदिया जाव ॥१५९॥ पुढविजलानलमारुयवणस्सई चेव हुंति एगिंदी । पज्जत्तापज्जत्ता बायर-सुहुमाइभेएण ॥१६०॥ किमिकीडगभमराई, कमसो बेइंदियाइणो नेया । पज्जत्ताई तिरिया, सव्वे विगलिंदिया एए ॥१६१॥ पंचिंदियाण भेया, चउरो इह हुंति जिणसमुट्ठिा । नारयतिरियनरामरगईसु पुण सुणह अह कमसो ॥१६२॥
Jain Education International 2010_02
For Private & Personal Use Only
www.jainelibrary.org
