________________
पंचमी उद्देस
६१
उचियवरं ति । साहिओ य इमो सयलो वृत्तंतो । तओ कणयकेउणा गंतूण महाराइणो पउमरहस्स गेहं दिन्ना कणगवई सिवकुमारस्स । तओ दुण्ह वि गरुयाणुरायहिययाणं अवरोप्परदंसणमणुच्छुयाणं निरंतरपीईनिब्भरमाणु (ण) साणं सुपसत्थे तिहि - करण - लग्गमुहुत्ते वित्तं वीवाहमंगलं ति । तप्पभिई च वीवाहियाओ अन्नाओ वि कुमारेण महासामंताणं धूयाओ । जाओ य केरिसाओ ? अवि य
मुहयंदकंतिपसरियपहसियसंपुन्नचंदसोहाओ । पम्हलतारसमुज्जललोलविरायंतनयणाओ ॥ १४२॥
पीणुन्नयकलपीवरथणकलसविरायमाणवलयाओ । वेल्लहलभुयलयाओ, ललणविरायंतमज्झाओ ॥१४३॥
पिहुलनियंबयडट्ठियरसणाकलघोसमुहलियदिसाओ । करिकरसरिसोरग(सरिसोरूरुग?) नेउररायंतचलणाओ ॥१४४॥ ि
इमाहिं एरिसरूवकलियाहिं सह पियपणइणीहिं गच्छइ विसयसुहमणुभवंतस्स
देवराइणो इव देवलोए सुहंसुहेण वच्चइ कालो त्ति ।
अह अन्नया कयाई, विहरंतो समणसंघपरियरिओ । सायरदत्तायरिओ, समागओ तत्थ नयरीए ॥१४५॥ आवासिओ अ अह सो, उज्जाणे लच्छिनंदणे भयवं । मासस्स य पारणए, गोयरचरियं अह पविट्ठो ॥ १४६ ॥ विहरंतो संपत्तो, कामसमिद्धस्स सेट्ठिगेहम्मि | दिट्ठो य तेण भयवं, दट्ठूण य चिंतियं एवं ॥१४७॥ धम्मो हं जस्स घरे, समागओ एस कह वि विहरंतो । भयवं तवसुसियतणू, पारणकए मुणिवरिंदो ॥१४८॥ किं तेण सुबहुएण वि, अत्थेण म्ह व्व किवणपत्तेणं । जो न मुणीणं जायइ, उवओगं तवकिलंताणं ॥१४९॥ अत्थावज्जणलुद्धाण जाइ जम्मं पि मूढहिययाणं । उप्पज्जइ न कयाइ वि, बुद्धी अम्हाण दाणम्मि ॥ १५० ॥
Jain Education International 2010_02
For Private & Personal Use Only
www.jainelibrary.org
