Page Text
________________
पंचमो उद्देसो कुमारहिययावहारिणीए एसा वयंसिय' त्ति । तओ समागयवयणेणमाणंदिया अहं तेण । भणिया य-'सुंदर ! उवविससु' त्ति । उवविट्ठा य अहं । पवत्तो आलावसंलावो ताव जाव तेण भणियं-'कहसु, किं पुण ते निययचलणफंसेण एत्तियं दूरं पवित्तीकया वसुह ?' त्ति । तओ मए चिंतियं-'सोहणं जायं, पायसे चेव घयं पलोट्टं' ति, जमम्ह मणट्ठियं इमिणा तं चेव निम्मवियं, ता साहेमि एयस्स निरवसेसं पयोयणं । साहियं च सव्वं दंसणभयणवियाराइ य ताव जाव पियवयंसियाए अहं पेसिया कुमारपउत्तिनिमित्तं तुह सयासे त्ति । अन्नं च कन्नगा एसा दव्वओ, भावओ उण अज्ज ते वयंसओ णयणेहिं परिणीउ त्ति । तओ विहसिऊण भणियं पभाकरेण-'धन्ना सा जीए कुमारो वरो त्ति, किंतु तु(त)ह उज्जमसु जहा दव्वओ परिणेइ'त्ति । साहियं च तेण सव्वंजहा कुमारेण दिट्ठा तुह वयंसिया, जहा जायअहिलासो, जह इ अहं एत्थडिओ पउत्तिनिमित्तं तुह वयंसियाए त्ति । समप्पिया य मम सा तेण चित्तफलहिया, जीए कुमारेण लिहिया सविलया सा विलया । इई भणिऊण समप्पिया मयणमंजूसाए, कणगवईए वत्थब्भंतरं गोविया ‘एसा सा चित्तफलहिय' त्ति भणिऊण । तओ तं आलेक्खलिहियं कुमारं अप्पाणं च चित्तफलहियाए दट्ठण कणगवई लज्जिया इव भीया इव कंपिया इव विलक्खा इव जीविया इव सव्वहा अणाचिक्खणीयं किं पि अवत्थंतरं पाव(वि)य त्ति । तओ हरिसवसुप्फुल्ललोयणाए लज्जावणयवयणकमलाए भणियं कणगवईए-'पियसहि ! सोहणं तए उवलक्खियं जहा-कुमारेण दिट्ठा तुमं वसंतूसवे अभिरममाणी तुमं चेव विलिहिय त्ति । पेच्छसु दोण्ह वि अइसोहणो संजोओ। अह वा जत्थ तुमं अभिउत्ता तत्थ सव्वं चेय सोहणं भवइ' त्ति भणिऊण सयं चेव आइटुं कडयकमढयकंठाइयं सयलं आहरणमविसेसं मयणमंजूसाए त्ति । तओ भणियं मयणमंजूसाए-'पियसहि ! तओ सो मए भणिओ-कहं पुण कुमारो पियसहीए दव्वओ परिणेयव्वो ?' तेण भणियं-“एयं ताव एत्थ पत्तयालं, कहेह तुमं पियसहीए जहा जाओ तुम्हाणं दोण्ह वि भावओ संजोगो । अभिमया य तुमं कुमारस्स। दव्वओ वुण एस एत्थुवाओ, अच्छउ तुह वयंसिया सयलवावाररहिया सयणीयगया । तुमं पुण ओसरेज्जसु तीए सयासाओ । आवस्सयनिमित्तं च जणणीए समागयाए न तीए दुक्खवियारो कहणीओ। किंतु न किंचि न किंचि बाहइ त्ति भाणियव्वं । तओ तुमं समाहुइज्जसि । पुच्छिया य विवित्तमाइसिय सव्वं साहेज्जसु
Jain Education International 2010_02
For Private & Personal Use Only
www.jainelibrary.org
| SR No. | 002554 |
| Book Title | Jambuchariyam |
| Original Sutra Author | N/A |
| Author | Jinvijay, Chandanbalashree |
| Publisher | Bhadrankar Prakashan |
| Publication Year | 2009 |
| Total Pages | 318 |
| Language | Sanskrit |
| Classification | Book_Devnagari & Literature |
| File Size | 12 MB |