________________
पंचमी सो
ता होज्ज सुरवरिंदो नं सो वि सहस्सलोयणो जेण । एयस्स दोन्नि नयणा, लक्खेमो ते वि अन्नमणा ॥१३६॥ हुं, महुमहणो किं एसो, नं सो वि तमालपत्तसंकासो । एसो वि लच्छिनिलओ, विहडइ कणगप्पओ जेण ॥१३७॥ ता केण पुण होयव्वं इमिणा ? हुं
पयवइणा भवियव्वं, न हु न हु सो तिव्ववावडो जेण । उप्पायविहडणेहिं, विहडइ सुन्नत्तणेणेसो ॥१३८॥
तओ एवं च नाणाविहवियप्यंतरे वियप्पमाणीए लक्खिओ भावो बीयहिययभूयाए मयणमंजूसाभिहाणाए तीए वयंसियाए; भणियं च - 'ता सहि ! किमेइणा अमाणुसेणं ?' तओ लज्जोणयवयणाए भ ( स ) णियं मंदपयासं महुररवं च भणियं कणगवईए- 'न एस अमाणुओ, जओ विमले कुट्टिमतले निरन्तरं निसन्नो, मेइणीसंबंधं च गया पउमदलकोमलतला इमस्स चलणा, उम्मेसनिमेसजुत्ते य अच्छिवत्ते ।' एत्थंतरम्मि जंपियं सिवकुमारेण । भणियं च कणगवईए- 'दे ! निहुया चिट्ठम्ह, निसुमो एस किं पि समुल्लवइ' ठियाओ य । जाव मग्गिया चित्तफलहियावत्तियाओ य कुमारेण । समप्पिया य से पहाकरेण । तओ तेण कहं कहं पि सेउल्लवेविरकरयलेण [आलिहिया ? ] वसंतलच्छी । तओ पहाकरेण पलोएमाणो य अच्छिउं पयत्तो । दिट्ठा य पहाकरेण सा, जाव पुच्छिओ - ' का एस ?' त्ति । भणियं सिवकुमारेण 'वसंतलच्छी ।' तओ पहाकरेण चिंतियं अक्खित्तं हिययं कुमारस्स तीए कुलबालियाए । तओ घेत्तूण पट्टियं लिहिओ सिवकुमारो इमा य गाहुल्लिया पहाकरेण । अवि य
५७
जुहापहावनिव्ववियतिहुयणो सयलजणमणाणंदो ।
अवमन्निज्जइ तह वि हु, नलिणीए पेच्छ कह चंदो ॥१३९॥
दिट्टं च इमं सिवकुमारेण । वाइया य गाहुल्लिया । जाणियं च जहनाओ अहमणेणं । तओ भणियं - 'वयंस! को एस तए लिहिओ ?' ईसि पहसियवयणेण भणियमियरेण-‘वसंतो’ । कुमारेण भणियं - ' ता किं पुण एसा गाहुल्लिया'? | भणियं इयरेण - 'कुमार ! जहा उ एसा अणुरत्ते वि वसंते कुसुमाडोयदंसणपरा न उण फलबंध
Jain Education International 2010_02
For Private & Personal Use Only
www.jainelibrary.org
