________________
५६
जंबुचरियम् सा का वि अवत्था संपावइ जीए अच्छिउं तीरइ त्ति । लक्खिओ य इमो सयलो भावो तस्स बीयहिययभूएणं पहाकराभिहाणेणं वयंसएणं । चिंतियं च णेण-अइगरुओ वयंसयस्स उव्वेवओ य तीए अदंसणेणं; ता विणोएण चिट्ठावेम्ह । कयाइ तेणेव अन्नं पि किं पि संपज्जिही पियपओयणं वयंसस्स । इइ विचिंतिऊण भणियं(ओ) सिवकुमारो-वयंस ! एत्थ ताव वीणाविणोएणं गमेमो कं पि वेलं ति । तओ तस्सावरोहेण हियहियएणावि पडिवन्नं सिवकुमारेण । तओ निसन्ना सव्वे असोगपायवधवलदलघणसीयलच्छायालंकिए कुट्टिमतलसणाहे सुपसत्थे भूमिभाए, सज्जिया य वीणा, पवत्तो वाइउं । अइकुसलत्तणेण वावडियहियओ न चुक्कए लयाईणं । चिंतियं च पहाकरेणं-अहो कुसलत्तणं कुमारस्स जेणऽन्नगयचित्तो न चुक्कइ ठाणस्स । इओ य तीए वियरमाणाए उज्जाणंतराइं निसुओ अव्वत्तो वीणासद्दो । तओ विसेसओ दिन्नो कन्नो जाव अउव्वो तंतीरवो त्ति । तओ चिंतिउं पवत्ता कस्स पुण एरिसो विन्नाणाइसओ भविस्सइ ? हुँ , पच्छन्नवेसधारी मयरकेऊ कहिं पि एत्थ कलं अणुसीलंतो चिट्ठिस्सइ, जओ न अन्नस्स एवंविहो एत्थ विन्नाणाइसओ त्ति । तओ वीणारवाणुसारेण पयट्टा सहियणसमेया । पत्ता य आसन्नमुद्देसं दिट्ठो य चंदणलयाहरअंतरियाए कुमारो । अवि य
___ अंगोवंगपइट्ठियलक्खणसुपसत्थसुंदरसरीरो ।
दिट्ठो अणंगमुत्ती, विंधंतो मयणबाणेहिं ॥१३३।। तओ अणाइयाइक्खणा अवलोयणासुहाणंतरमेव दिट्ठा(विद्धा?) कुसुमकेउणा निययबाणेहिं हियए । तओ किं जायं ? अवि य--
गाढपहाराणंतरमुच्छावसनीसहा निमीलच्छी।
झाणगया इव एक्कं ठिया मुगुत्तं तु निच्चेट्ठा ॥१३४॥ तओ कह कह वि अन्नाओ सेसवयंसियाहिं संठविओ तीए अप्पा । तओ मणायं सत्थावत्था चिंतिउं पयत्ता । अवि य
एसो भगवं होज्जा, सिलीमुहो तत्थ आगओ नूणं । नं सो रइसंजुत्तो, एसो उण विरहिओ तीए ॥१३५॥
Jain Education International 2010_02
For Private & Personal Use Only
www.jainelibrary.org
