________________
पंचमो उद्देसो ता किं पुण करणीयं ? अहवा जाणियं
पुरेऔं च्चिय वच्चेमो, जइ कह वि इमा पलोयए बाला ।
ता नयणामयसित्तं, मयणविसं निव्विसं होज्ज ॥१२४॥ अहवा न हि न हि एवं । जओ
भमुहाचावविणिग्गयलोयणबाणेहिं कह णु परिविद्धं ।
धरिमो इमीए पुरओ, नियदेहं मयणजज्जरियं ॥१२५॥ ता किं पुण संपयं मए करणीयं ? अहवा हुं नायं
घोट्टेमि ताव एयं, नियनयणानालकट्टियं नाउं ।
एत्थेव ठिओ दूरं, ठियं पि जा निव्वुओ जाओ ॥१२६।। अहवा एयं पि न सुंदरं । जओ
जह जह निज्झाइज्जइ, तह तह हिययम्मि विसइ मह मुद्धा ।
जह जह पविसइ हियए, तह तह अंगं डहइ णंगो ॥१२७॥ ता किं अन्नत्थ वच्चामि ? तं पि न । जओ
जा डहइ दंसणे वि हु, अंगोवंगाइ निरवसेसाई । तीएँ विओओ नूणं, सहसा पंचत्तणमुवेइ ॥१२८॥ ता एवं नो सेयं, इमीए नियभावदंसणं कह वि । मम उवरि अणुराओ, किं चावि न विज्जए जेण ॥१२९॥ अणुराओ बालाए, ममोवरिं अत्थि कह व जइ सच्चं ।
ता सच्चमिणं सेयं, विवरीए किमिह सोसेण ॥१३०॥ भणियं च-"अणुरायनेहभरिए, रत्ते रच्चिज्जइ त्ति रमणीयं ।
__ अन्नहिए उण हिययं, जं दिज्जइ तं जणो हसइ ॥१३१॥ [ ] जावेत्तियं च इमं चिंतेइ ताव सा सहियणसमेया उज्जाणन्तदंसणमणा महुमासूसवहियहियया तं रायसुयं गुविललयासमन्तरियं अपेच्छंती अन्नं पएसंतरं संकंता । अवि य- अणुरायअप्पियं गिण्हिऊण अह तक्खणं समुच्चमि(लि)या ।
हिययं नज्जइ बाला, पुणरुत्तं गिण्हणरुएण ॥१३२।। तओ सो तिस्से अदंसणेण सव्वंगोवंगपहारपरद्धो कुसुमकेउणा निययबाणेहिं । न
Jain Education International 2010_02
For Private & Personal Use Only
www.jainelibrary.org
