________________
पंचमो उद्देसो तओ एवं च संपत्तो सो थोवदियहेहिं जोव्वणं । केरिसो य जाओ ? अवि य
वंकत्तणदोसकलंकवज्जिओ जडपसंगपरिहीणो।
निच्चं चिय कलपुन्नो, अउव्वचंदो व्व निम्माओ ॥११२।। तओ सो एवं जोव्वणभरं संपत्तो । सह वयंसएहि अभिरममाणो नियपुरवरे अच्छइ सुहंसुहेणं ति ।
ताव य सयलसुरासुरकिन्नरगंधव्वजणमणाणंदो । पत्तो वसंतसमओ, उग्गिज्जंतो महुयरेहिं ॥११३।। सहयारमंजरीकुसुमरेणुसंचलियसयलदिसियक्का ।
जणमणनयणाणंदा, वसंतलच्छी समोत्थरिया ॥११४।। तओ किं जायं ?
नवकुसुमरेणुमयरंदबहलनीसंदबिंदुसंदोहे ।
पत्ते वसंतसमए, को न वि मयणग्गिणा कविओ ॥११५।। तओ एवं च पयत्ते वसंतसमए महुमासकीलणनिमित्तं चंदकिरणं नाम उज्जाणं, तत्थ कीलणनिमित्तं विणिग्गओ बहुओ नायरजणो, कीलिउं च पयत्तो नाणाविहकीलाहिं । सो सिवकुमारो वयंसयसत्थपरिगओ [गओ] तमुज्जाणं । तत्थ य अवयत्तयकयलीहरनायवल्लीचंदणलयागुमं(म्म) तरेसु परिभमिउं पयत्तो, वियरंतो य संपत्तो अणेयनायवल्लीलयासंछन्नं एक्कं गुम्मवणगहणं । जाव तस्स बहुमज्झपएसे माहवीलयामंडवपरिगया कणयकेउणो राइणो पियंगुसामाए महादेवीए धूया कणयवई नाम नियवयंसियवंद्रपरिगया कलहंसीण व रायहंसिया, कुमुइणीण व नलिणिया, वणलयाण व कप्पतरुलया, तारयाण व रोहिणी, मंजरीण व पारियायमंजरी, अच्छराण व तिलोत्तिमा, जुवईण व मयरद्धयहिययदइया रेहइ त्ति ।। अवि य- दिट्ठा य जलहरोयरविवरविणिक्खन्तचंदरेह व्व ।
सहितारयमज्झगया, कवोलकिरणाउला सुयणु ॥११६॥ तओ विसेसओ निज्झाउं पयत्तो जाव मिउसण्हकसिणकुडिलेणं केसकलावणं, अट्ठमीचंदपमाणेणं भालवटेणं, दिव्वालंकारविहूसिएहिं पमाणजुत्तेहिं कन्नएहि, बंधूगकुसुमदलसच्छभेणं अहरएणं, समसियमियंककरसमतेयाए दसणकंतीए, रिउउन्नयाए नासिगाए, मिउकसिणसण्हरोमसंगयाहिं सुरिंदचाववंकाहिं च भमुहाहिं, णीलुप्पलदल
Jain Education International 2010_02
For Private & Personal Use Only
www.jainelibrary.org
