________________
५२
जंबुचरियम् निज्जियपयंडरिवुदंडचंडकोदंडलद्धमाहप्पो । परिभुंजइ तं राया, पउमरहो नाम नामेणं ॥१०६।। वणमालानामेणं, गुणगणमालाए निच्चसन्निहिया । तस्सत्थि अग्गमहिसी, तीए गब्भे समुप्पन्नो ॥१०७।। अह देवी तं दियहं, घेत्तुं लायन्नजलपविट्ठ व्व ।
सरयम्मि पउमिणी विय, अहिययरं रेहिरा जाया ॥१०८॥ तओ केरिसा य सा जाया ? अवि य
दाणपरा सत्ताणं, सुपसाया परियणे गुरुविणीया ।
अणुकूला साहूणं, अणुकंपपरा य जीवाणं ॥१०९।। तओ एवं च नवण्हं मासाणं अट्ठमाणं च राइंदियाणं पडिपुन्नाणं सुहंसुहेण पसूया देवी सोहणतिहिकरणमुहुत्ते सुकुमालपाणि[पायं] दारयं ति । निवेइयं च राइणो वद्धावियाए । तओ परितोसवसरोमंचकंचुउव्वहणगाढइए वि समोयारिऊण कडयकंठनेउराईए आहरणविसेसे पणामिए तीए । तयणंतरं च समाइ8 वद्धावणयं । समागओ य पुरजणो, हरिसनिब्भरो विलासिणीयणो, णच्चंति विलयाओ, गिज्जंति मंगलाइं, दिज्जंति दाणाई, विखिप्पंति थोरमुत्ताहले, पसाहिज्जति कडयकुंडनिहाए(?), पणामिज्जति मायंगमंडलीओ महासामंताणं, उवणिज्जंति तुरयवंदुरमालाओ सेवयाणं । अवि य
उद्दामताललयगीयमणहरं तूरघोसपडिपुन्नं ।
पहरिसनच्चियविलयं, वद्धावणयं अह य जायं ॥११०॥ एवं च विविहखज्जपेज्जदाणविन्नाणपरियणालावहासतोसनिब्भरस्स राइणो अइक्कंतो सो दियहो । एएण य कमेणं सेसदिणा वि ताव, जाव समागओ बारसमो दिणो । कयं बालगस्स नामं गब्भट्ठिएण सिवं जायं तओ सिवकुमारो त्ति । एवं च कयनामो पंचधावीपरिवुडो बद्धिउं पयत्तो । अवि य
जुवईयणलोवणकुमुयसंडनवसरयबालचंदो व्व । संवड्डिउं पयत्तो, कलंकहीणो सह कलाहिं ॥१११।।
Jain Education International 2010_02
For Private & Personal Use Only
www.jainelibrary.org
