________________
जंबुचरियम् तो पाविऊण दुलहं, मणुयभवं पाव ! परिहर ममत्तं । दुग्गइगममल्लंघ, सिग्घमविग्घेण लंघेसि ॥४९॥ इय नाऊणमणत्थं, विसयसुहं कुणसु जीव ! जिणवयणं ।
वेरग्गमब्भुवगओ, होऊण अणुब्भवो धणियं ॥५०॥ तहा- "हा जीव ! जाणसि च्चिय, जह तुरियं जीवियं अइक्कमइ ।
तह वि तुह खद्धलज्जय !, न होइ तणुओ वि संवेगो ॥५१॥ किं तुज्झ ते लहुं चिय, पम्हट्ठा दुक्खनिब्भरा निरया । जेणेवं नीसंकं, करेसि भोएसु अहिलासं ॥५२॥ जीव ! मणंतं कालं, भुत्तेसुं देवमणुयभोएसु । कंतारबंभणस्स व, पुणो वि तुह भुंजिउं सद्धा ॥५३॥ न य पावसि भोगसुहं, न य धम्मं भोगकंखओ कुणसि । पत्तिय रे निब्बुद्धिय !, दुण्ह वि लोयाण चुक्किहिसि ॥५४॥ पुव्वकयपावकम्मय ! दुल्लहलंभाई सुट्ठ पत्थितो । हा जीव ! मरिहसि तुमं, अप(प्प )त्तमणोरहो चेव ॥५५॥ दद्रुण परसिरीओ, विलयासत्थं तहेव धणकणयं । पत्थंतेण अयाणुय !, अइरा कालेण किं पत्तं ॥५६॥ इय जाणिऊण निउणं, जिणधम्मं जे कुणंति सइ निरया । जम्मंतरेसु वि [ हु] ते, दुहस्स नामं पि न सुणिति ॥५७॥ ता जा मच्चुमइंदो, जंतुगइंदाण दप्पनिद्दलणो । निवडइ न मज्झ तुरियं, आयकललन्तजीहालो ॥५८॥ ताव सुरीसरकिन्नरनरिंदमहियाण जिणवरिंदाणं ।
चलणनिसेवपउणो, करेमि उपगं तवच्चरणं" ॥५९॥ तओ एवं च संसारनिव्वहणचिंताभरेण सिसिरसमागमतुसारावडणनिदड्ढकमलिणीसंडं पिव विच्छायं तस्स मुहकमलं दट्टण भणियं सप्पणयं पियपणइणीहिं-'पिययम ! कीस तुमं मुहुत्तमेत्तेणेव उव्विग्गो इव चित्तेण, पराइत्तो इव देहेण, विसन्नो इव हियएण, विरत्तो इव नयणेहिं, निव्विन्नो इव संपयाए, मुणी इव मूणव्वएणं, चित्तपुत्तलयं पिव निच्चलत्तणेणं, दारिद्दकुडुंब इव चिंतासयसंकुलत्तणेणं, जई इव
Jain Education International 2010_02
For Private & Personal Use Only
www.jainelibrary.org
