________________
पंचमो उद्देसो
ता एयं नाऊणं, मा मुज्झसु जीव ! रे तुमं मूढ ! ।
नरयवडियस्स सरणं, होहिंति न इट्ठदइयाओ" ॥३६॥ अन्नं च- "पीमाइभाइभइणीण पुत्तदाराण बंधुमित्ताण ।
नरए निवडताणं, ताणं नेक्कं पि एयाणं ॥३७॥ गयसंदणतुरयाणं, नरिंदसंघा य तह य सुहडाणं । नरए निवडताणं, ताणं नेक्कं पि एयाणं ॥३८॥ धणकणयरयणमणिमोत्तियाण तह पवरकोसपुहईण । नरए निवडताणं, ताणं नेक्कं पि एयाणं ॥३९॥ वत्थालंकारविभूसणाण तह पहाणपाणभक्खाणं । नरए निवडताणं, ताणं नेक्कं पि एयाणं ॥४०॥ इय नरयकूवनिवडन्तयाण नेक्कं पि होइ एयाणं । ताणं इह सत्ताणं, मोत्तूणाणं जिणिंदाणं" ॥४१॥ ता जीव ! किं न चिन्तसि, जेण इहं अस्थि किं पि अन्नं पि । सरणं जयम्मि पयडं, भणियं च जओ सुसाहूहि ॥४२॥ "हा हा जीव ! अलज्जिर !, निंदाविरमे वि किं न चिंतेसि । अन्नं पि किं पि मरणं, जह होही एत्थ संसारे" ॥४३॥ [ ] अन्नाणंधेण तए, नारयनरतिरिदेवगइगहणे । भमियं पुणो वि मा भम, भवकन्तारे दुरुत्तारे ॥४४॥ मा मूढ ! मोहमइरामयविभलविसमविसविवाएसु । जाणतो वि भवगई, विसयसुहेसुं मणं कुणसु ॥४५॥ पियजणविरहे अप्पियसमागमे किं न तिव्वदुक्खाइं । न य लक्खेसि अलक्खण !, जेण न चिंतेसि अप्पहियं ॥४६॥ किं मायापणइणिसु य, परियणधणनेहलोहनियलेहिं । दढबंधणेहि बंधसि, बंधवबुद्धीए अत्ताणं ॥४७॥ अव्वो अलज्ज ! निच्चेयणो सि जं गब्भवसहिदुक्खा । भमिऊण अप्पमाणं, जं न चरसि निच्छिओ धम्मं ॥४८॥
Jain Education International 2010_02
.
For Private & Personal Use Only
www.jainelibrary.org
