________________
४४
विद्दुमसिहिकंठपहाकणयजणरयणिनाहसमयाभा । मेहगणा गयणयले, पियाहिं सह तेण ते दिट्ठा ||२३||
दट्ठूण मेहवंद्र, सायरदत्तेण चिंतियं एयं । मेरुतडा इव रम्मा, मेहा कह सोहणे गय ||२४|| साहूहिं जहा भणिया, मेरुतडा पंचवन्निया समए । गणम्मि तहा एए, मेहा छज्जंति पंचविहा ॥ २५ ॥ एवं चिन्तंतस्स य, ते मेहा तक्खणेण पवणहया । जलबुब्बुउ व्व सहसा, निज्जंति तरु व्व अल्लीणा ||२६|| दट्ठूण अभावं से, गयणे मेहाण राहुणा घत्थो । कमलंको वि य नज्जइ चिंताभरदूमिओ जाओ ||२७|| एवं च चितिउं पयत्तो ।
अवि य- " सरयघणा इव चवला, सव्वे वि य अत्थसयणसंजोया । पेमं सुमिणसमाणं, तडि व्व खणभंगुरं रूवं ॥२८॥ गिरिनइवेयसरिच्छं च जोव्वणं चंचला इमा लच्छी । सुरवइचावसमाणं, चवलं मणुयत्तणं एयं ॥२९॥ किंपागफलसरिच्छा, मुहरसिया कडुविवागिणो भोगा । गोत्तीओ इव दारा, नियला इव पुत्तभंडाई ॥३०॥
बंध व सयणा, चोरा इव होंति तह य मित्ताइं । होंति जमो व नरिंदा, भिच्चा पेय व्व गणपरा ॥३१॥ सल्लं व होइ वरं, न मुएइ भवंतरे वि संकंते । सुणय व्व होंति पिसुणा, पट्ठीमंसंसिणो निच्वं ॥३२॥ देहं रोगावासं, जीयं मरणाउयं सयाकालं । दुलहा माणुसजाई, नरए दुक्खं महाभीमं ॥३३॥
वित्थिन्नो संसारो, दुरुत्तरो होड़ सायरो व्व सया । जिणसासणम्मि बोही, लब्भइ विउलेहिं पुन्नेहिं ॥ ३४॥
विरईरयणं चिंतामणि व्व न हु होइ थोवपुन्नाणं । तीऍ फलं नेव्वाणं, तस्स य सोक्खं अणाबाहं ॥ ३५ ॥
Jain Education International 2010_02
For Private & Personal Use Only
जंबुचरियम्
www.jainelibrary.org
