________________
पंचमो उद्देसो
४७ मज्झत्थयाए, वीयरागो इव गयरागदोसो, समतिणलेटुकंचणो सव्वजंतुहिओ जओ लक्खिज्जसि त्ति । सव्वहा न पढसि गाहं, न भिंदसि पण्होत्तरं, न जंपसि सललियं, न कुणसि परिहासं, न पियसि पाणं, न समाणेसि त्ति तंबोलं ।' अवि य- जाओ सि कहणु पिययम ! मुहुत्तमेत्तेण विगलियप्पणओ ।
सीसउ अम्हाणेयं, असीसणिज्जं जइ न होइ ॥६०॥ तओ ईसि वियसंतवयणकमलेण भणियं सायरदत्तेण । अवि य
तं नत्थि नूण किंपि वि, जयम्मि जं तुम्ह साहिमो नेय ।
जं पुण विचिंतियं मे, तं निसुणह एत्थ मुद्धाओ ! ॥६१॥ तओ ताहि भणियं-'महापसाओ, कहसु' त्ति । तओ भणियं सायरदत्तेण । अवि य- जाणामि जइ इमेणं, कहवि हु चवलेण नूण देहेण ।
जिणदिक्खदिक्खिएणं, कीरइ तुंगं तवच्चरणं ॥६२॥ तओ ताहिं ईसिवियसिय[मुह]पंकयाहिं भणियं । अवि य
जावेवं चिंतिज्जइ, पिययम ! ता कीस कीरइ न तुरियं ।
लोए वि जेण सुव्वइ, 'तुरिया धम्मस्स होइ गई' ॥६३॥ अन्नं च देव !-ववसाउ च्चिय धन्नाण होइ एसो न चेवऽहव्वाणं ।
ता धीर ! उज्जमिज्जउ, इमेण चवलेण देहेणं ॥६४॥ सम्मइ य इमं पयडं, धीर च्चिर(य) केइ विरइवररयणं । गिण्हंति जेण भणियं, साहूहिं इमं निसामेह ॥६५॥ "पवणाहयजलकल्लोलसच्छहं विहवसंपयं दटुं । धीर च्चिय केइ कुंणंति पच्छा( एत्थ? )पुन्नज्जणं पुरिसा ॥६६॥ [ ] खरपवणविहुयतामरसचंचलं जीवियं कलेऊण । धीर च्चिय सुहविमुहं, करेंति तवसंजमुज्जोयं ॥६७॥ [ ] पवणुद्धयजलहितरंगभंगुरं जोव्वणं पि नाऊणं । न हु धीरयरहिया उच्छहंति तवभरधुरुव्वहणे ॥६८॥ [ ]
Jain Education International 2010_02
For Private & Personal Use Only
www.jainelibrary.org
