________________
४०
जंबुचरियम् जं मारेसि रसते, जीवे निद्दय ! निरावराहे वि । उवभुंजसु तं दुक्खं, पत्तो अइदारुणे नरए ॥११६॥ [ ] जं हरसि परधणाइं, विरयासे जं चं परकलत्ताइ । तं जिय ! पावेसि तुमं, नरए अइधोरदुक्खाई ॥११७॥ [ ] अथिराण चंचलाण य, खणमेत्तसुहंकराण पावाण । दुग्गइनिबंधणाई, विरमसु एयाण भोयाणं ॥११८॥ [ ] कोहो माणो माया, लोभो तह चेव पंचमो मोहो । निज्जिणिऊण य एए, वच्चसु अयरामरं ठाणं ॥११९॥ [ ] इय नाऊण असारं, एयं अइदारुणं पि संसारं ।
तह कुण जिणवरधम्मं, जह सिद्धिं पावसे विरलं ॥१२०॥ इमं चिंतिऊण भणिया तेण नाइला-'इच्छामो अणुसट्ठि, सुटु पडिबोहिओ अहं ते जिणवरमग्गे, संजणियं भावओ विरइमणं । ता वच्चामि गुरुसयासं, गिण्हामि पायच्छित्तं, करेमि तवं, चरिऊण बहुकालं, अणसणनमोक्कारेण य कालं काऊण सोहम्मे देवलोए सक्कस्स सामाणिओ देवो देवत्ताए उव्वन्नो त्ति । देसूणदोसागरोवमाऊ तत्थ य अच्छइ भोए भुंजंतो त्ति ।'
सहंति जे घोरपरीसहाई, धरंति नाणं चरणं च संजमं । गुणा य पालिंति इमं सुणित्ता, हवंति देवा सुमहिड्डिया ते ॥१२१॥ इय जंबुणामचरिए, पयरूवयगाहविरइए रम्मे । एस चउत्थोद्देसो, पढमो य भवो समत्तो त्ति ॥१२२॥
Jain Education International 2010_02
For Private & Personal Use Only
www.jainelibrary.org
