________________
चउत्थो उद्देसो गिहासमाओ, बीहिओ दुरंतविसयाणं । चिंतिउं च पयत्तो ‘धिरत्थु संसारवासस्स । कुच्छिओ एस जीवो जं महादुक्खपरंपरेण कहकह वि पाविऊण दुल्लहं जिणवयणं पमाओ कीरइ' त्ति । एयम्मि अवसरे भणिया तेण माहणीसुएण नाइलाए सह समागएण सा माहणी, जहा-'अम्मो ! आणेह मल्लयं, मम छड्डी भविउ कामा, जेण जं पायसं भुत्तं तं तत्थ वमिऊण पुणो अइमिटुं भुंजीहामो' त्ति । तीए माहणीए भणियं'पुत्त ! अइमिटुं पि जं वन्तं तं न परिभुंजीयइ, जओ असुइकप्पं तं' । इमं च निसामिऊण भवदेवेण चिंतियं सुटू भणियं माहणीए, वंतं से दुगुंछणीयं असुइसमाणं भाइ । वंता य मए इमे विसया, ता दुट्ठ मए समायरियं इमे पत्थमाणेण, निवाडिओ अप्पा भवसमुद्दे, पवंचिओ उत्तमसोक्खाणं, संजणिओ वयणिज्जभायणं; तहा वि इमं एत्थ पत्तकालं, वच्छामि गुरुसयासं, गिण्हामि भाववयं, करेमि तवं, पालेमि संजमं, उद्धरामि पायच्छित्तं ति ।
अवि भणियं चिय पयडं, तं चिंतसु जीव तं पयत्तेण । जेणुप्पज्जइ हियए, वेरग्गं तुज्झ रे मूढ ! ॥१०८॥ संसारम्मि असारे, नत्थि सुहं वाहिवेयणापउरे । जाणतो वि हु जीवो, तह वि य धम्मं न य करेइ ॥१०९॥ [ ] अथिरं जीयं रिद्धी य चंचला जोय(व्व)णं छणसरिच्छं । पेक्खंतो पच्चक्खं, तहवि य वंचिज्जए जीवो ॥११०॥ [ ] घरवासे वामूढो, अच्छइ आसासयाइं चिंतंतो । न कुणइ पारत्तहियं, जा निहओ मच्चुसीहेण ॥१११॥ [ ] वाही इट्ठविओगं, दारिदं तह जरा महादुक्खं । एएहिं परिग्गहिओ, तह वि य धम्मं न य करेइ ॥११२॥ [ ] लहिऊण दुल्हं चिय, एयं मणुयत्तणं तुम जीव !। लग्गसु जिणवरधम्मे, अचिंतचिंतामणिसमाणे ॥११३॥ [ ] जं वुत्थो नवमासे, असुईभरियम्मि गब्भवासम्मि । संकोडियंगमंगो. विसहंतो नारयं दुक्खं ॥११४॥ [ ] रे जीव ! संपयं चिय, वीसरियं तुज्झ तं महादक्खं । थेवं पि जेण न कुणसि, जिणिंदवरभासियं धम्मं ॥११५॥ [ ]
Jain Education International 2010_02
For Private & Personal Use Only
www.jainelibrary.org
