________________
जंबुचरियम् उन्नयगरुयपओहरसुरसुंदरिफंसजणियगुरुतोसं । लब्भइ सग्गम्मि धुयं, सुरसंघपहुत्तणं तह य ॥१९॥ पणमन्तसुरीसरमउडकोडिसंघट्टतेयविच्छुरियं ।
संसारसमुहुत्तरणकारणं न जिणपयकमलं" ॥१०॥ ता सव्वहा दुल्लहं रुबिंदखंदनायंदवंदियजिणयंदपायकमलं ति । विसमो य एस संसारो, बहुदुक्खाओ नरयवेयणाओ, दुलहो जिणवरमग्गो, बंधणयारो घरवासो, नियलाई दाराई, महाभयमत्ताणं, दुक्खिया जीवा, सुंदरो धम्मोवएसो, न सुलहा धम्मायरिया, तुलग्गलग्गं माणुसत्तणं ति । अवि य
भणियं च एत्थ पयडं, कविणा केणावि तं निसामेह । जेणुप्पज्जइ निययं, वेरग्गं तुज्झ हिययम्मि ॥१०१।। "रमसु जहिच्छं सुपुरिस !, को नेच्छइ तुज्झ भोगसंपत्ती । किंतु विवत्ती वि धुवं, चिन्तिज्जउ सा पयत्तेण ॥१०२॥ [ ]
को नेच्छइ संजोगो, गरुयनियंबाहिं सुयणुविलयाहि । किंतु विओगोऽवस्सं, होही एयाहिं चिंतेसु ॥१०३॥[ ] सच्चं हीरइ हिययं, जुयईयणनयणबाणपहरेहिं । किंतु अणंतो कामो, पावारंभेसु उज्जमई ॥१०४॥ [ ] सच्चं हो हरइ मणं, लीलावसमंथरं गईपवरं । किंतु न नज्जइ एसो, अप्पा अह कत्थ वच्चिहिइ ॥१०५॥ [ ] सच्चं हरंति हिययं, महिलाणं पेमरायवयणाई । किंतु दुरंतं पेम्मं, किंपागफलं व कडुयं ति" ॥१०६॥ [ ] इय जाणिऊण एयं, मा मुज्झसु एत्थ भोगगहणम्मि ।
संबुज्झसु धीर ! तुमं, विरइं ता कुणसु हिययम्मि ।।१०७।। ता इमं च जाणिऊण तुमं पि कुणसु समभावं, विरज्जसु विसयाणं, विरमसु संसारस्स, पालेसु वयं, कुणसु संजमं, धरसु वयं, कुणसु तवचरणं, गच्छसु गुरुसयासं' ति । एवं च निसामिऊण भवदेवसाहू मणायं भीओ संसाराओ, उव्विग्गो
Jain Education International 2010_02
For Private & Personal Use Only
www.jainelibrary.org
