________________
३५
चउत्थो उद्देसो भणियं च- "वच्चइ जत्थ अउन्नो, अडविं व दरिं गुहं समुदं वा ।
पावइ तहिं तहिं, सो, पुन्नेहिं विणा परिकिलेसं" ॥७६॥ [] अन्नेहिं वि भणियं
"पुव्वभवकम्मकंदुल्लएण जं तस्स किं पि निम्मवियं । निययनिडाले दुक्खं, सुहं व तं को समुप्फुसइ" ॥७७॥ [] एवं च भोयतण्हालुयस्स परपेसणं कुणंतस्स । अट्टज्झाणोवगयस्स तस्स जम्मो दुहं जाइ ।।७८॥ अच्छउ ताव विलासो, भोगाईओ उ तस्स दूरेण । पूरिज्जइ उयरं पि हु, दुक्खेणं मंदभायस्स ॥७९॥ उयरभरणे असमत्थो, इच्छइ एसो विलासिणीसंगं ।
तं एवं संजायं, जं भणियं केहिं वि कवीहिं ॥८०॥ अवि य- "जइ जाणउं रइसुहं माणउं रोहणहो माणिक्कई आणउं ।
भवणु करावई सुंदरउं अंतेउर परिणउं लट्ठउं । अंगु न पेच्छइ अप्पणउं विणु खट्टए भूमिहि घट्टउं" ॥८१॥ [ ] एवं अट्टवसट्टो, राइं दियहं च पेसणपसत्तो ।
दुक्खसयभरियदेहो, अच्छइ लोए विचितंतो ॥८२॥ तओ एवं च भाराइयं वहतो, परपेसणं कुणतो, भोगाहिलासी अट्टज्झाणोवगओ गमेइ दियहे । तओ कइवयदियहेहिं तहाविहभवियव्वयानिओएण य दट्ठो सो अहिणा । तओ थोवयाए आउयस्स, उक्कडयाए विसदंसस्स, अणाहत्तणयाए तस्स, पंचत्तमवगओ सो । मरिऊण य अट्टज्झाणोवगओ उववन्नो तिरिएसु महिसत्ताए त्ति । तओ वड्डिओ देहोवचएणं, वहेइ पुणो वि वोज्झाइं पट्ठीए खंधेण य । अवि य
महिसत्तणेण जाओ, वहइ य वोज्झाइं खंधपट्ठीए ।
तोत्तयपहरपरद्धो, गिम्हत्तो दुब्बलसरीरो ॥८३।। इओ य सो तस्स जणओ काऊण तवं, पालिऊण संजमं, विहरिऊण सामन्नपरियाएण अंतयाले अणसणविहिणा पंचनमोक्कारपरायणो य कालं काऊण उववन्नो देवलोए देवत्ताए त्ति । तओ ओहिनाणेणं तु परिन्नाओ तेण पुव्वभवो, दिट्ठो य सो
Jain Education International 2010_02
For Private & Personal Use Only
www.jainelibrary.org
