________________
जंबुचरियम् निययदइयं, पुणो जहाजोगमणुचिट्ठिस्सामो त्ति । अन्नं च मम ताव विहेसु तीए सहं दंसणं; पुणो जहा सा भणिही तहा करी(रि)हामो' त्ति एयं च निसामिऊण चिंतियं नाइलाएअवि य- मूढो एस वराओ, गहिओ पेम्मग्गहेण दुद्वेण ।
न याणइ हियमहियं वा, एयं पि हु भन्नमाणो वि ॥५८॥ ता किं पुण मए एत्थ करणीयं ? किं उज्झिऊण वच्चामि ? अहवा न हीनेहि. एयं, मा एसो एवं संसारं पडिही वराओ । 'विसीयमाणो य पाणी सव्वहा थिरीकरणीयो' इह जिणवयणं, ता अत्ताणं पयडिऊण सव्वहा संबोहेमि ताव एयं, पुणो गुरूणं सयासे वयगहणं कारिस्सामि ति । इमं च चिंतिऊण भणियमणाए-'जइ किं पि तुह तीए दंसणेण पओयणं तओ अहं सा नाइला, जा तुह भज्जा आसि, संपयं पुण ममं तुमं गुरू वंदणीउ' त्ति । इमं च सहसा निसामिऊण लज्जाससज्झसो इव मणागं आसंकिओ जाओ, मूणं च अवलंबिऊण ठिओ भवदेवो । भणियं च तीए-'संपयं जइ मह दंसणेण सिद्धपओयणो जाओ ता वच्च तुमं गुरूणंतिए । बहुकालं तए तवो अणुचिन्नो ता मा तं निरत्थयं थोवदियहकारणेण नेहि त्ति । अन्नं च- भीमभवे मा दुक्खं, पावसु जह पावियं पुरा तेण ।
सामन्नं चइऊण(णं), तिरियत्ते माहणसुएण ॥५९॥ इमं च निसामिऊण भवदेवेण भणियं-'कह तेण सामन्नं परिचइयं ? कहं वा दुक्खं पावियं ? कहसु' त्ति । तओ तीए भणियंअवि य- अत्थि इह भरहवासे, वेल्लहलुल्लावमणहरो निच्चं ।
लडहविलासिणिमुइओ, विक्खाओ लाडदेसो त्ति ॥६०॥ तत्थ पुरं भरुयच्छं, दइया इव नम्मयाइ संजुत्तं । अहवा नम्मयजुत्तं, दइयाओ कह विमुच्चंति ॥६१॥ वेलाछलेण जस्स य, रयणनिही संपयं पलोएइ । किं मम गुणेहिं अहियं, सासंको नियमणेणेवं ॥६२।। एलालवंगपिप्पलिमि(मी)रियखज्जूरनालिएरेहिं । जलनिहिवेलावणराइय व्व जत्थ य विवणिमग्गो ॥६३॥
Jain Education International 2010_02
For Private & Personal Use Only
www.jainelibrary.org
