________________
३१
चउत्थो उद्देसो
पणमसु जिणिंदयंदे, भत्तिं काऊण वज्जिय कुदिट्ठी । संसारसलिलनाहं, जेण अविग्घेण तं तरसि ॥४७॥ मोहारिमहासिन्नं, हंतूणं संजमासिणा सिग्घं । अद्धासिय सिद्धिपुरं, करेह रज्जं भयविमुक्कं ॥४८॥ अन्नं च इमं सव्वं, भोगाईयं जमिच्छसे किंचि । तं सव्वं चिय पावसि, धम्माओ जेण भणियं च ॥४९।। दीसंति मणहिरामा, जे नयणाणंदणा य नरवइणो । आहरणालंकिय विविहवत्थ तं धम्मलाहेण ॥५०॥ [ ] पडुपडहवीणमद्दल नच्चिज्जइ सुंदरीहिं सयकालं । सूसरकन्नुवलग्गं, तं सव्वं धम्मलाहेण ॥५१॥ [ ] धवलहरतुंगतोरण गयणवलग्ग(ग्गं) [च ] बहुसुहावासं । चित्तंमकम्मकलियं, तं सव्वं धम्मलाहेण ॥५२॥ [ ] जं गयवरकंठ वरघडगल )गज्जियाइं हिंसंति तुरयथट्टाइं । दीसंति सीहवारे, तं सव्वं धम्मलाहेण ॥५३॥ [ ] जं नेउररसणखलन्तहारवेल्लहलमत्तदइयाइं । जोइज्जइ मत्तविलासिणीहिं तं सव्वं धम्मलाहेण ॥५४॥ [ ] कामिणिखंधविलग्गो, विझिज्जइ चामरेहिं सयकालं । पियइ जलं सुसुयंधं, तं सव्वं धम्मलाहेण ॥५५॥ [ ] जइ इच्छसि नेव्वाणं, तियसिंदनरिंदसंतियं सिद्धि ।
ता पडिवज्जसु धम्मं, गंतु गुरूणंतिए तुरियं ॥५६॥ तओ इमं च निसामिऊण चिंतियं भवदेवेणअवि य- एक्कस्स ताव चुक्को, कहवि तुलग्गेण गुरुजणगहाओ ।
अन्नं कह आवडियं, अदिट्ठकंडं व मम एयं ॥५७॥ ता किं पुण मए एत्थ कायव्वं ? अहवा किमेत्थ चिंतियव्वं ? सव्वहा गंतूण निययगेहं तीए पियपणइणीए विसयसुहं अणुहवियव्वं, जणयपयं पालणीयं ति । एयं च चिंतिऊण मणिया सा तेण नाइला-'जइ एवं तो वि ताव पासेमि तं नाइलं
_Jain Education International 2010_02
For Private & Personal Use Only
www.jainelibrary.org
