________________
चउत्थो उद्देसो
२७ पढमाणस्स य समागयं इमं सुत्तं-'न सा महं नो वि अहं पि तीसे ।' तओ विचिन्तियमणेण-'न एयं सुंदरं ।' अवि य ‘सा महं अहं पि तीसे' एवं पयं घोसिउं पयत्तो । तओ वारिज्जमाणो वि साहहिं न ठाइ । सो वि बहुणा कालेण कयसंलेहणो आउक्खएण मरिऊण भवदत्तसाहू तस्स भाया उववन्नो सोहम्मे कप्पे देवो देवत्ताए त्ति । इयरो वि भवदेवो तम्मि समए तमुव्वहमाणो हियएण निययभज्जं केरिसो जाओअवि य- मुक्कगुरुसाहुविणओ, अवहत्थियनिययजोग्गवावारो ।
दइयाए दंसणमणो, विबाहिओ कामबाणेहिं ॥२३॥ तओ एवं च तस्स सव्वहा वीसरिओ धम्मोवएसो, परिमुसियं विवेगरयणं, गलिओ गुरुजणविणओ, अवहरियं विन्नाणं, अवहत्थियं कुलाहिमाणं, उक्खडिया लज्जा, अवगयं दक्खिन्नं, पणटुं सीलं, ववगयं पोरुसं, वीसरिया दया, गलिओ वयधारणाहिप्पाओ, सव्वहा अणेयनरिंदसुरिंदसुंदरीपिहुपीणनियंबबिंबयडनिवाससुहदुललिओ भयवं कुसुमाउहो विबाहिउं पयत्तो । तेण य बाहिज्जमाणो कह चिंतिउं पयत्तो ?अवि य- रोगजरभरणरयमलकिलेससंतावियाण संसारे ।
कत्तो अन्नं सोक्खं, मोत्तुं पियसंगम एक्कं ॥२४॥ एवं ति(वि)चिंतियंतो सो केरिसो जाओ ? अवि य- ता खलइ वलइ झूरइ, सूसइ अह पुलयपरिगओ होइ ।
जं किंपि नवर पेच्छइ, दइयं दइयं ति वाहरइ ॥२५॥ ता हसइ रुयइ झिज्झइ, झायइ दइयं पढेइ गाहद्धं ।
उम्मत्तउ व्व नज्जइ, हुं हुं महुरक्खरं भणइ ॥२६॥ तओ एयावत्थस्स गओ सो दियहो, समागया य रयणी । कयमावस्सयं साहूहिं भावओ, तेण उण दव्वओ। कयसज्झाया ठिया सयणीए साहवो । सो वि देहेण न उण चित्तेण त्ति ठिओ य तं मुणंतो दइयं हियएण । पच्छिमजामे जामिणीए केणइ पहिएण इमं दूहयं गीयं
सा मुद्धा तहिं देसडइ, दुक्खें दियह गमेइ । जइ न पहुप्पह सुयण तुहूं, अवसिं पाण चएइ ॥२७॥
Jain Education International 2010_02
For Private & Personal Use Only
www.jainelibrary.org
