Jambuchariyam

SR No.: 002554
Original Sutra Author: N/A
Author: Jinvijay, Chandanbalashree
Publisher: Bhadrankar Prakashan
Publication Year: 2009
Total Pages: 318
Language: Sanskrit
Classification: Book_Devnagari & Literature
File Size: 12 MB

Page 59

२६
जंबुचरियम्
निसुयं च एवं भवदेवेणं जहा - समागओ भवदत्तसाहू मे जेट्ठसहोयरभाया । तओ मोत्तूण विवाहमंगलसेसकरणीयं निवारिज्जमाणो वि ससुरकुलेहिं धरिज्जमाणो वि समवयवयंसएहिं, वारिज्जमाणो वि लडहतरुणीयणविलयासमूहेण 'आगउ'त्ति भणिउं भत्तिनेहाणुक्कंठियमाणसो गओ भाउणो सयासं । वंदिया य णेण साहुणो । का धम्मदेसणा साहूहिं । भणियं च णेहिं जहा - 'तुब्भेत्थ वावडमणा ता वच्चिमो अम्हे, पुणो वि आगमिस्सामो' त्ति भणिऊण पयट्टा साहवो । तओ निब्बंधेणावि जाहे न ठिया तओ पडिलाहिया विउलेणं आहारपयाणेणं, समप्पियं च भक्खभायणं भवदेवस्स करे साहुहिं, पयट्टा । सव्वो तओ वंदिऊण थेवभूमिभाओ नियत्तो सेसबंधुयणो, न पुण भवदेवो । चितइ य अविराज्जिओ कहमहं नियत्तेमि । तओ नियत्तणनिमित्तं च दंसेइ वप्पपुक्खरणिवणसंडउज्जाणे, जत्थ कीलिया हिंडिया पमज्जिया य । सो य सुन्नहुंकारो 'सुमरामि' त्ति - भणमाणो वच्चए भवदत्तसाहू । गच्छमाणा य पत्ता गुरुणो समीवं । तओ तं दट्ठूण भवदेवजुवाणं अहिणवुव्वाहियवरनेवच्छं चवलत्तणेण भणियं चेल्लएहिं जहा - ' भणियमासि जेटुज्जेहिं जहा 'गम भाया अद्धविवाहिओ वि जइ अहं भणामि तो पव्वयइ' त्ति ता सच्चमिणं कयमिमिणा । तओवदंसिओ आयरियाणं । भणियं गुरुणा - 'किं निमित्तं एस समागओ सावगो ? ।' भवदत्तसाहुणा भणियं - 'पव्वज्जागहणनिमित्तं ।' पुच्छिओ गुरुणा जहा - ' एवं ते अभिप्पाओ ?' तओ भवदेवो चितिउं पयत्तो | कह ?
अवि य एक्कत्तो पाणपिया, दइया नवजोव्वणम्मि वट्टंती । अन्नत्तो य सहोयरवायाभंगो कओ होइ ॥ २१॥
एक्कत्तो अहिणवपरिणियाए मुद्धाए सह गुरुविओओ । अन्नत्तो उण भाया, कि सेयं जं पवज्जामि ॥२२॥
तहा विपत्तयालं ताव इमं चेवेत्थ जं एसो मम भाया भणइ ति । ' मा भाउणो साहूणं पुरओ अन्नहावाइत्तणं भविस्सइ' त्ति चितिऊण भणियं एवं' ति । तओ तेणेव मुहुत्तेण पव्वाविओ सो गुरुणा । विहरिओ य सह गुरूहिं, जाणाविओ य सयलं सामायारिं । भाउणोवरोहेण य कुणइ पव्वज्जं, न उण परमत्थबुद्धीए । वहइ य हियएण तं अत्तणो जायं अहिणवपरिणीयं । एवं च वच्चए कालो, गच्छंति दियहा ।
1