________________
जंबुचरियम् एवं च सुणिऊण सुमरिया इमा कस्स वि पुवकविओ गाहुल्लिया पुव्वपढिया तेण
दूरयरदेसपरिसंठियस्स पियसंगमं महंतस्स ।
आसाबंधो च्चिय माणुसस्स परिरक्खए जीयं ॥२८॥ तओ एयं च सुमरिऊण परिचिंतियमणेणअवि य- दइएण विप्पमुक्का, मुद्धा जइ कहवि धरइ सा जीयं ।
आसासेमो गंतूण तत्थ ता थेवदियहेहिं॥२९॥ तओ केवलं तीए नाइलाए उवरिं बद्धाणुरायचित्तो मयगहिओ इव गयवरो पयट्टो उप्पहं । तओ वारिज्जमाणो वि गुरुजणेणं, पन्नविज्जमाणो वि उवज्झाएणं, अणुसासिज्जमाणो वि थविरहिं, सिक्खीविज्जमाणो वि साहूर्हि, धरिज्जमाणो वि चेल्लएहिं; केवलं अगणिऊण कज्जाकज्जं, अयाणिऊण हियाहियं, अबुज्झिऊण करणीयं, अमुणिऊण परमत्थत्तं सव्वहा जं होउ तं होउ त्ति चिंतिऊण संचलिओ नियगामाहुत्तं । तहा वि केइ मंदसत्ता एवंविहा भवन्तेव । अवि य- इहलोयमेत्ततुट्ठा, धणधणिया पुत्तसयणसंबद्धा ।
अमयसरिसं पि नूणं, जिणवयणं ते पमायंति ॥३०॥ ते य अपरमत्थावलोइणो एवं असंतगुणारोयणेण विनडिज्जंति । अवि य- इंदीवरचंदसुवन्नकलससुरसरिपुलीणसरिसाइं ।
मयणमुहथणयजहणत्थलाई दइयाए मन्नंता ॥३१॥ न उण एवं परमत्थावलोयणेण पेच्छंतिजओ य- जलबुब्बुयलालाविलपिसियासुइअन्तमुत्तठाणाणि ।
फसफोफसहड्डकरंकचम्मरुहिराचिलमिलाइं ॥३२॥ तओ सो भवदेवो थोवदियहेहिं पत्तो सुगामं । ठिओ उज्जाणजिणाययणे । इओ य सा तस्स जाया नाइला तम्मि समए तस्स तत्थ ट्ठियस्स समागया धूयगंधकुसुमे गहाय तम्मि उज्जाणजिणाययणे । तीए य समं एगा माहणी सह दारगेण समागया । तओ ताहिं 'साहुत्ति भणिऊण वंदिओ भवदेवो । भणियमणेण-'तुब्भे जाणह एत्थ माणसामाणुसं ?' नाइलाए भणियमामं । तेण भणियं-'कुसलं अज्जवरटुउडगेहे ?'
Jain Education International 2010_62
For Private & Personal Use Only
www.jainelibrary.org
