________________
२४
भणियं च लोयगुरुणा - संपइ जाओ य हीणतेयस्सी । एसो देविंदसमो आसि पुराऽयगुणते ||९||
अह भणियं नरवइणा - किं पुण एएण अन्नजम्मम्मि । वयमणुचिन्नं भयवं ! जेणेसो एरिसो जाओ ? ॥१०॥
तओ जयजीवबंधुणा भणियं भगवया वद्धमाणसामिणा जिणवरिंदेण- अत्थि इहेव महाविस सुगामो नाम एक्को गामो जो य सो केरिसो ?
अवि य- उद्दामवसहगोमहिसिसंकुलो पवरजुवइरमणिज्जो । धणधन्नहिरन्नजुओ अत्थि सुगामो इहं गामो ॥११॥
1
तत्थ य आसि अज्जवरट्ठउडो नाम एक्को कुलपुत्तगो । तस्स य रेवइनाम भारिया अहेसि । तीए य दुवे पुत्ता आसि पढमो भवदत्तनामो, बीओ भवदेवाभिहाणो । ते य पत्ता जोव्वणं । वच्चए कालो । अन्नया य कयाई तत्थ विहरमाणो भयवं सुट्ठिओ नाम आयरिओ समागओ, वंदणनिमित्तं च गओ सुगामजणो आयरियाणं सयासे, ते य भवदत्त - भवदेवा वि देव वि भायरो । वंदिओ णेहिं गुरू । आनंदिया य गुरुणा असेसकम्मक्खयकारिणा धम्मलाहेणं ति । उवविट्ठा य सव्वे गुरुचलणंतिए । कहिओ य तेण भगवया जिणयंदपणीओ जीवदयाईओ धम्मो ।
जंबुचरियम्
"सो य इमं नायव्वो, जीवदयाई जिणेहिं पन्नत्तो । धम्मो संखेवेणं, भणियं च जओ निसामेह ॥ १२ ॥ जीवाणमहिंसाए, अलियनियत्तीए परधणे विरई । परदारवज्जणं पिय, तह अप्पपरिग्गहो चेव ॥१३॥ राईभोयणविरई महुमज्जविवज्जणं अमंसं च । एसो भणिओ धम्मो, होइ अहम्मो य विवरीओ ॥१४॥ अन्नं च- तो धम्मो जइ य दया, जइ य तवो जइ य होइ संतोसो । जइ सच्चं जइ बंभं, जइ मद्दवया अमाइत्तं ॥ १५ ॥
जइ खंती जड़ मुत्ती, जइ मणगुत्ती जई य वयगुत्ती । जइ रागाउ नियत्ती, जइ मेत्ती सव्वभूएसु ॥ १६ ॥
Jain Education International 2010_02
For Private & Personal Use Only
www.jainelibrary.org
