________________
॥ चउत्थो उद्देसो ॥
भणियं च पत्थिवेणं पुणो वि-अह कम्मि केवलं नाणं । वोच्छिज्जिही महप्पं, एयं भयवं ! जगुज्जोयं ॥१॥ तम्मि समयम्मि देवो चउहिं देवीहिं संजुओ पत्तो ।
नामेण विज्जुमाली, वंदणभत्तीए जयगुरुणो ॥२॥ जो य सो केरिसो ? । अवि य
मयरद्धउ व्व रूवी इंदो इव सयलसंपयाकलिओ ।
चंदाइरेयसोमो कंतिल्लो दिवसनाहो व्व ॥३।। तओ तेण आगंतूण भणियं; अवि य
"जय ! जय ! जीवाइपयत्थपयडजिप्पंतकेवलपईव !। जह (य) मोहतिमिरनासण !, उज्जोइयसयलजयभवण !" ॥४॥ भणिऊण इमं अहं सो पडिओ गुरुपायपंकए विमले । भणियं च तत्थ गुरुणा-एएणं किज्जिही एयं ॥५॥ भणियं च नरिंदेणं-भयवं ! मणयम्मि साहियं एयं । तुम्हेहिं आसि पुट्वि कह देवो केवली होइ ॥६॥ भणियं च तओ गुरुणा-सत्तमदिवसम्मि एस चविऊण । पावेही मणुयत्तं, तेणेसो केवली चरिमो ॥७॥ भणियं च नरिंदेणं-भयवं ! किर हुति चवणसमयम्मि । परिहीणजुई देवो एसो उण तेयरासि व्व ॥८॥
१. 'लयरजय' प्रतौ ।
Jain Education International 2010_02
For Private & Personal Use Only
www.jainelibrary.org
