________________
तइयो उद्देसो
१७
एत्थंतरम्मि सुरसंघमउडकिरणुच्छलंततेएणं । जायं गयणं सहसा संझारुणकुंकुमच्छायं ॥६६॥ जत्थ य पसन्नचंदो गच्छंति सुरा तहिं सपरितोसा । उक्कुट्ठिजयजयरवं कुणमाणा गयणमग्गम्मि ॥६७॥ वज्जंतसंखकाहलवप्पीसयवंसवीणमुरवेहिं । फुट्टइ व अंबरतलं, सुरहिट्ठपणच्चिरसएहि ॥६८॥ सोऊण नरिंदेणं सुरगणउक्कुठि(ट्ठि)कलयलनिनायं । अह पुच्छिओ जिणिदो-भयवं ! किं एत्थ संजायं ॥६९॥ भणियं तिहुयणगुरुणा-पसन्नचंदस्स केवलं नाणं । उप्पन्नं तत्थ सुरा केवलिमहिमं अह करिंति ॥७०॥ भणियं च नरिंदेणं-सत्तमपुढवीए जोग्गए झाणे । वट्टइ किल एस मुणी मिच्छानिसुयं मए एयं ? ||७१॥ भणियं पुणो वि गुरुणा-नरवइ ! मिच्छा न होइ एयं तु । तम्मि समयम्मि.रुद्दे वटुंतो एस झाणम्मि ॥७२॥ भणियं नराहिवेणं-भयवं ! कहसु त्ति कोउयं मज्झ । कह उप्पन्नं नाणं, कह वा तं तारिसं झाणं ? ॥७३॥ भणियं च जिणिदेणं-तम्मि मुहुत्तम्मि सुमुह-दुमुहेहिं । दटुं पसन्नचंदं, भणियं ता सुम्मुहेणेवं ॥७४॥ जह निक्कंटं रज्जं आसि पुरा पालियं नरिंदत्ते । संपइ पसन्नचंदो तह उग्गं कुणइ तवचरणं ॥५॥ ता एसो कयउन्नो सहलं एयस्स जीवियं लोए । गंतूणं पणमेमो जा भणियं सुम्मुहेणेवं ॥७६।। मा मा गिण्हह नाम इमस्सु पुरिसाहमस्स दुमुहेणं । भणियं, अह पुण पणमइ को एवं कम्मचंडालं ? ॥७७।।
Jain Education International 2010_02
For Private & Personal Use Only
www.jainelibrary.org
