________________
१६
"पणयसुरीसरसुंदरिनहमणिसंकंतविमलमुहयंद । जयगुरु ! तुह पयकमलं, नमामि हं पावनिट्ठवणं ॥५४॥
संसारकूवनिवडंतजंतुआलंबलद्धमाहप्पं ।
भुयणेसर ! पयकमलं, नमामि हं लक्खणपसत्थं ॥ ५५ ॥
सुरविरइयकणयसहस्सपत्तमिउय[ य ]रफंसदुल्ललियं । भवभयमहणं जिणवर !, नमामि तुह पायवरकमलं ॥५६॥ असुरनरीसरकिन्नरसुरिंदनायंदवंदियं तुम्ह । कम्मट्ठगंठिनिट्ठवणपच्चलं जयउ पयकमलं" ॥५७॥ इय भणमाणो राया हरिसवसुब्भिन्नबहलरोमंचो | तिहुयणगुरुणो यतओ पणिवइओ चरणजुवलम्मि ॥५८॥ निव्वज्जि [त्ति ] यकरणिज्जो इंदाईणं च विहियसम्माणो । अवणमियउत्तमंगो उवविट्ठो निययठाणम्मि ॥५९॥ पत्थावं लहिऊणं करयलआबद्धमउलपणएणं । अह पुच्छिओ जिणिंदो नरनाहेणं इमं तत्थ ॥ ६०॥ तवरवितेयविणिग्गयसोसियकम्मट्ठगंठिजलनियरो । भयवं पसन्नचंदो किं जोगे वट्टए झाणे ॥ ६१ ॥ भुवणगुरुणा वि भणियं, जलहरगंभीरमहुरसद्देण । एसो नरिंद ! वट्टइ सत्तमपुढवीए जोगम्मि ॥६२॥ तओ नरिंदो चितिउं पयत्तो; कह ? -
तवजलणदड्डुकम्मिंधणस्स समसत्तुमित्तबंधुस्स । कह सत्तमपुढवीए जोग्गं झाणं मुणिदस्स ॥६३॥ किं वा मे विवरीयं निसुयं सम्मं पि भासियं गुरुणा । अह वा न चलइ एयं सच्चं भणियं जिणिदेण ॥ ६४ ॥ एवं च बहुविहं चिय जाव वियप्पेइ नवर नरनाहो । ताव य गयणं जायं बहुजाणविमाणपडिपुन्नं ॥६५॥
Jain Education International 2010_02
जंबुचम्
For Private & Personal Use Only
www.jainelibrary.org
