________________
१८
जेण
जो नियपुत्तं बालं चइऊणं वेरियाण मज्झम्मि । अचयंतो पव्वइओ रज्जभरं उयरपुरपरो ॥७८॥
संपइ सो पुण बालो रज्जं गहिऊण तोहिं निच्छूढो । एवं पजंपमाणा वोलीणा तप्पएसाओ || ७९ ॥
सो दुम्ह वयणं पसन्नचंदेण चिंतियं एयं । को मम सुयस्स रज्जं गिण्हइ मम जीवमाणस्स ? ॥८०॥
उच्छलिओ कोहग्गी पम्हुट्ठो तस्स तक्खणेणऽप्पा । मोत्तूण धम्मझाणं रुद्दज्झाणम्मि संकेतो ॥ ८१ ॥
धम्माधम्मं न याणइ कज्जाकज्जं च सुकयदुकयं वा । कोह (घ) त्यो पुरिसो, भक्खाभक्खं च कुसलो वि ॥८२॥
अवि य कुविओ पुरिसे (सो) न गणेइ अत्थं, नाणत्थं, न धम्मं नाधम्मं, न कामं नाकामं, न जसं नाजसं, न कित्ती नाकित्ती, न कज्जं नाकज्जं, न भक्खं नाभक्खं, न गम्मं नागम्मं, न वच्चं नावच्चं, न पेयं नापेयं, न बलं नाबलं, न दोगई न सोगई, न सुंदरं नासुंदरं, न पंथं नापंथं ति ।
-
जंबुचरियम्
अवि य- पयईए अकज्जसमुज्जयस्स पर (रि) निंदियस्स सुयणेहिं । कोहस्स तेण भणियं परिहरणं जिणवरिंदेहिं ॥ ८३ ॥ कोहाइकसायाणं नरिंद ! भणियं च एत्थ सामत्थं । सत्थंतरम्मि जह तह एक्कमणो तह निसामेह ||८४|| "कोहानलपज्जलिओ खणेण चरणिधणं डहइ जीवो । काले सुबहु ण वि जमज्जियं संजमगुणेहिं ॥ ८५ ॥ माणं समुव्वहंता नाणं नार्सेति विणयपरिहीणा । हिंडंति नाणरहिया उड्ढमुहारन्नपसव व्व ॥८६॥
जइ वि न वंचेइ परं मायाविजणम्मि तह व विस्सासो । सप्पो जइ वि न खायइ तहा वि दिट्ठो भयं कुणइ ॥८७॥
Jain Education International 2010_02
For Private & Personal Use Only
www.jainelibrary.org
