________________
जंबुचरियम् एसो संखेवेणं जइधम्मो वन्निओ दसविहो वि । वित्थरओ णेगविहो नायव्वो आगमन्नूहि" ॥३३॥ एवं च भुयणमंदिरएक्कल्लपईवलोयनाहस्स ।
धम्म साहेमाणस्स सेणिओ वंदओ चलिओ ॥३४॥ तओ - हयगयरहजोहेहि य बहुजाणसहस्सवाहणाइन्न ।
चलियं सयलं पि बलं तुरमाणं अह समं तेण ॥३५॥ तं च केरिसं दीसिउं पयत्तं ? । अवि य -
उदंडपुंडरीयं चलचामररायहंससोहिल्लं ।
माणससरं व चलियं हयथट्टचलंतकल्लोलं ॥३६।। तओ पयट्टे नरिंदे लोए वि किं जायं ?
इह आगओ जिणिदो जो जत्तो सुणइ केवलं वयणं । सो तत्तो य पयट्टइ, वंदगभत्तीए नयरिजणो ॥३७॥ अइनिब्भरभत्तिभरंतहिययरोमंचकंचुओ तुरियं ।
अह चलइ वंदणमणो नायरकुलबालियासत्थो ॥३८॥ तओ सो ऊ(उ)ण समूहो नीहरमाणो केरिसो दीसिउं पयत्तो ? । अवि य -
जणसयसहस्सपसरंतपूरपडिपुन्नसयलदिसियक्को ।
मत्तो इव रयणनिही मुत्ताहलरयणचिंचइओ ॥३९॥ तओ महासमुद्दवेलाजलेण विय जणसमूहेण पडिपुन्नासु रच्छानईसु किं सोच्चिउं पयत्तं ?अवि य - जा जाहि देहि मग्गं खामो पंथो त्ति रे करी पत्तो ।
पुरओ वि तुरयथट्टं न पेच्छसे किं तुमं एयं ॥४०॥ तओ एयं च सयलजणसमूहेण संप(व)तं रायसेन्नं केरिसं पयत्तं ? । अवि य
मयगलझरन्तमेहं निसियासिफुरन्तपयडविज्जुलयं । गयघडरवगज्जंतं वासारत्तो व्व विहियदिसं ॥४१॥
For Private & Personal Use Only
www.jainelibrary.org
Jain Education International 2010_02
