________________
१३
तइयो उद्देसो
धम्मेणं पुण एसो सुदेवमणुयत्तणं लहइ जीवो । तम्हा करेह धम्म संसारविमोयणसमत्थं ॥२२॥ रुबिंदखंदगोविंद भासिओ सो वि णेगहा धम्मो ।
चिंतामणि व्व रेहइ तेसि मज्झे जिणक्खाओ ॥२३॥ सो य - विरई पाणवहालियअदत्तमेहुणपरिग्गहाणं तु ।
एसो भणिओ धम्मो होइ अहम्मो य विवरीओ ॥२४॥ अहवा खमाइगो
"खंती य मद्दवज्जवमुत्ती तवसंजमे य बोधव्वे ।
सच्चं सोयं आकिंचणं च बंभं च जइधम्मो" ॥२५॥ [आ. सं./गा.३ ] तत्थ - खंती य इमा भणिया सम्मं नाणेण जाणिउं वत्थु ।
कोहस्स अणुदओ जं उदयस्स व विफ( प्फ)लीकरणं ॥२६॥ मद्दवयाईणेवं मुत्तीपज्जंतगाइ जाणाहि ।
माणाईण अणुदओ उदयस्स व विफ( प्फ)लीकरणं ॥२७॥ तवो उण दुविहो -
"अणसणमणोयरिया, वित्तीसंखेवणं रसच्चाओ। कायकिलेसो संलीनया य बज्झो तवो होइ" ॥२८॥ [सं.प्र./गा.१२६९] "पायच्छित्तं विणओ, वेयावच्चं तहेव सज्झाओ ।
झाणं उस्सग्गो वि य, अभितरओ तवो होइ" ॥२९॥ [सं.प्र./गा.१२७० ] संजमो उण सत्तरसविहो । भणियं च -
"पंचासवा विरमणं, पचिंदियनिग्गहो कसायजओ । दंड[ग]तिगविरई संजमो उइइ सत्तरसभेओ" ॥३०॥[प्र.सा./गा.५५५ ] सच्चमणवज्जवयणं, सोउं जं संजमे निरवलेवो ।
आगिचणं अमुच्छा, नव गुत्तीओ भवे बंभं ॥३१॥ भणियं च- "वसहिकहनिसेजि(ज्जि )दियकुटुंतरपुव्वकीलियपणीए ।
अइमायाहारविहूसणा य नव बंभगुत्तीओ" ॥३२॥ [प्र.सा./गा.५५८ ]
Jain Education International 2010_02
For Private & Personal Use Only
www.jainelibrary.org
