________________
कहानिबंधो नाम बिइओ उद्देसो जओ भणियमागमे
नाणं पगासगं सोहओ तवो संजमो य गुत्तिकरो । तिण्हं पि समाओगे मोक्खो जिणसासणे भणिओ॥५॥[वि.भा.गा.११६१] "सव्वेण य सत्तेणं संसारत्येण चउगइनिबंधे । जरमरणरोगसोगाउलेण सययं भमंतेण ॥६॥ नारयतिरियनरामरसंसारनिबंधणाई दुक्खाई ।
सारीरमाणसाइं बहुप्पयाराई द्रूण ॥७॥ तहा य -छिंदणभिंदणताडणसोसणमोडणभयाइणा गसिए ।
नरए तमंधयारे नेइए दुक्खसंसत्ते ॥८॥ सीउण्हवासपहए मारणसूडणवहाइणा घत्थे । आरंकुंससंतत्ते तिरिए बहुदुक्खपरिकलिए ॥९॥ जाइजरामरणभवोहुवहुए सोगरोगपरिघत्थे । इटाणिट्ठविओगा जुंजणजुत्ते तहा मणुए ॥१०॥ सारीरमाणसोवद्दवाईणा उवदुए तहा देवे । ईसाविसायगसिए चवणाईदुक्खसंतत्ते" ॥११॥ घेत्तव्वं पच्छयणं नाऊण(णं) दुक्खसंजुए एए । भव्वेणं जंतूणं असेसदुक्खाण निव्वहणं ॥१२॥ सव्वो य जणो नेच्छइ दुहाई इच्छइ य परमसोक्खाई।
न य जाणइ मुद्धमणो कह सोक्खाइं समुवयंति ॥१३॥ जेण - विसयासामूढमणो सद्दफर प्फ)रिसेहिं रूवगंधेहिं ।
एगंतवासियमणो कज्जाकज्जं न याणाइ ॥१४॥ पायं च एस जीवो विभाविओऽणेगसो कुभावणया । न चएइ विसयसंगं परिचइउं भवसमुद्दम्मि ॥१५॥ न य जाणए वराओ जहावसाणे असुंदरविवागा । सुहरसियमेत्तसारा किंपागफलोवमा विसया ॥१६॥
१. ''वोहउवहुए' प्रतौ । २. ''इणो उ' प्रतौ ।
Jain Education International 2010_02
For Private & Personal Use Only
www.jainelibrary.org
